ମୁମ୍ବାଇ: ନବରାତ୍ରିର ପ୍ରଥମ ଦିନରେ ୨୫ତମ ଫିଲ୍ମର ଟାଇଟଲ ଘୋଷଣା କରିଛନ୍ତି ତେଲଗୁ ସୁପରଷ୍ଟାର ପ୍ରଭାସ । ‘ସ୍ପିରିଟ୍’ ନାମକ ଏକ ବହୁଭାଷୀ ଫିଲ୍ମରେ ନଜର ଆସିବେ ସେ। ଏହା ତାମିଲ, ତେଲୁଗୁ, କନ୍ନଡ, ମାଲାୟାଲମ, ହିନ୍ଦୀ ତଥା ଅର୍ନ୍ତଜାତୀୟ ଭାଷା ଜାପାନୀ, ଚାଇନିଜ ଓ କୋରିଆରେ ମଧ୍ୟ ରିଲିଜ ହେବ। ଫିଲ୍ମକୁ ସନ୍ଦୀପ ରେଡ୍ଡୀ ଭାଙ୍ଗା ନିର୍ଦ୍ଦେଶନା ଦେଇଥିବା ବେଳେ ପ୍ରଯୋଜନା କରିଛି ଟି-ସିରିଜ।
ପ୍ରଭାସ ଫିଲ୍ମକୁ ନେଇ କହିଛନ୍ତି, ଏହା ମୋର ୨୫ ତମ ଫିଲ୍ମ। ଏହାକୁ ସେଲିବ୍ରେଟ୍ କରିବା ପାଇଁ ଏହାଠୁ କୌଣସି ଭଲ ଉପାୟ ହୋଇପାରିବ ନାହିଁ। ଏହାର କାହାଣୀ ଅତ୍ୟନ୍ତ ଆକର୍ଷଣୀୟ। ମୋ ପ୍ରଶଂସକ ଏହାକୁ ପସନ୍ଦ କରିବେ। ତେବେ ପୂର୍ବରୁ ମଧ୍ୟ ପ୍ରଭାସ ଅନେକ ଫିଲ୍ମରେ ଅଭିନୟ କରି ଦର୍ଶକଙ୍କ ମନ ଜିଣିଛନ୍ତି। ଫିଲ୍ମ ‘ବାହୁବଳୀ’ରେ ତାଙ୍କର ଦମଦାର ଅଭିନୟ ଯୋଗୁ ସେ ସମସ୍ତଙ୍କର ପ୍ରିୟ ହୋଇପାରିଥିଲେ। ତାଙ୍କର ଫିଲ୍ମକୁ ଦେଖିବା ପାଇଁ ଫ୍ୟାନ୍ସ ଚାହିଁ ରହିଥାନ୍ତି।
