କାକଟପୁର/ଅସ୍ତରଙ୍ଗ,୨୮ା୭(ଡି.ଏନ୍.ଏ.):କାକଟପୁର ବ୍ଲକ ଅର୍ନ୍ତଗତ ଅଶିଜଙ୍ଗା ଗ୍ରାମର ପ୍ରଭାତ କୁମାର ବେହେରାଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ଶୌର୍ଯ୍ୟବୀର ପଦକ ପ୍ରଦାନ କରିଛନ୍ତି। ଭାରତ ସରକାରଙ୍କ ସାମରିକ ବିଭାଗରେ ପ୍ରଭାତ ଅତିରିକ୍ତ କମାଣ୍ଡାଣ୍ଟ ଭାବେ କାର୍ଯ୍ୟ କରନ୍ତି। ୨୦୧୮ ମସିହାରେ ୫ଜଣ ଆତଙ୍କବାଦୀଙ୍କ କବଳରୁ ଜନସାଧାରଣଙ୍କୁ ଉଦ୍ଧାର କରି ଆତଙ୍କବାଦୀଙ୍କୁ ମାରିଥିବାରୁ ତାଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି। ଏହି ଉତ୍ସବରେ ପ୍ରଭାତଙ୍କ ସହଧର୍ମିଣୀ ମୀରାଞ୍ଜଳି ବେହେରା ଓ ଝିଅ କ୍ରିଶା ଉପସ୍ଥିତ ଥିଲେ। ପ୍ରକାଶ ଯେ, ଅତିରିକ୍ତ କମାଣ୍ଡାଣ୍ଟ ବେହେରା ନିଜ ଜୀବନକୁ ବାଜି ଲଗାଇ ଦେଶ ପ୍ରତି କର୍ତ୍ତବ୍ୟ ପରାୟଣାତା, ବଚନ ବଦ୍ଧତା ରଖି ଅସମ୍ଭବ କାର୍ଯ୍ୟକୁ ସମ୍ଭବ କରି ଦେଶ ଭକ୍ତିର ପରାକାଷ୍ଠା ଦେଖାଇ ଓ ଠିକ୍ ସମୟରେ ନେତୃତ୍ୱ ନେଇ ଆତଙ୍କବାଦୀଙ୍କୁ ଦମନ କରିଥିବାରୁ ତାଙ୍କୁ ଏହି ମେଡାଲ ପ୍ରଦାନ କରାଯାଇଥିଲା। ଏହି ଖବର ପ୍ରଚାରିତ ହେବା ପରେ କାକଟପୁର ଓ ଆଖପାଖ ଅଞ୍ଚଳରେ ଖୁସିର ଲହରି ଖେଳିଯାଇଛି।