ମହିଳାଙ୍କ ପାଇଁ ମାତୃତ୍ୱ ସବୁଠାରୁ ସ୍ବତନ୍ତ୍ର। ଶିଶୁକୁ ଗର୍ଭରେ ରଖିବାର ୯ ମାସ ପରେ ମା’ ତାକୁ ଏହି ଦୁନିଆକୁ ଆଣିଥାଏ। ସାଧାରଣତଃ, ଏହି ସମୟ ହେଉଛି ମହିଳା ଏବଂ ତାଙ୍କ ପରିବାର ପାଇଁ ସବୁଠାରୁ ବ୍ୟକ୍ତିଗତ ମୁହୂର୍ତ୍ତ। କିନ୍ତୁ କାନାଡ଼ାର ଜଣେ ମହିଳା ୟୁଟ୍ୟୁବ୍ରେ ଲାଇଭ୍ କରି ଡେଲିଭରି କରିଛନ୍ତି। ତେବେ ସବୁଠାରୁ ଆଶ୍ଚର୍ଯ୍ୟର କଥା ହେଲା ଏହି ସମୟରେ ତାଙ୍କ ପାଖରେ କେହି ଡାକ୍ତର ନ ଥିଲେ। ମହିଳାଙ୍କର ୩ ପିଲା ଡେଲିଭରିରେ ସାହାଯ୍ୟ କରିଛନ୍ତି। ପିଲାମାନେ ବାପାଙ୍କ ସହ ମିଶି ଶିଶୁଟିକୁ ମାତୃଗର୍ଭରୁ ବାହାର କରିଛନ୍ତି। ଭିଡିଓ ଭାଇରାଲ ହେବା ପରେ ସୋସିଆଲ ମିଡିଆରେ ବିତର୍କ ଆରମ୍ଭ ହୋଇଯାଇଛି। ଅନେକ ଲୋକେ କହୁଛନ୍ତି, ଏଭଳି ଛୋଟ ପିଲାଙ୍କ ସାମ୍ନାରେ ସନ୍ତାନ ଜନ୍ମ କରିବା କୌଣସି ଭଲ ଚିନ୍ତା ନୁହେଁ।
କାନାଡ଼ାର ଅଣ୍ଟାରିଓରେ ରହୁଥିବା ୩୨ ବର୍ଷୀୟା ଅଲେକ୍ସିସ୍ ଓ୍ବାଇଲ୍ଡ ଜୁନ୍ ୩୦ରେ ନିଜ ଘରେ ଚତୁର୍ଥ ସନ୍ତାନକୁ ଜନ୍ମ ଦେଇଥିଲେ। ଅଲେକ୍ସିସ୍ ତାଙ୍କର ୩ ସନ୍ତାନ ଓ ସ୍ବାମୀଙ୍କ ସହ ଥିଲେ। ୧୨ ଘଣ୍ଟାର ଗର୍ଭ ଯନ୍ତ୍ରଣା ପରେ ଅଲେକ୍ସିସ ନିଜ ଘରେ ଚତୁର୍ଥ ସନ୍ତାନକୁ ଜନ୍ମ ଦେଲେ। ତେବେ ତାଙ୍କ ସ୍ବାମୀ ଏବଂ ୩ ସନ୍ତାନ ମିଶି ଶିଶୁକୁ ଗର୍ଭରୁ ବାହାର କରିଥିବା ଭିଡିଓରେ ଦେଖିବାକୁ ମିଳିଛି।
ଅଲେକ୍ସିସ୍ କୁହନ୍ତି, ତାଙ୍କ ପିଲାମାନେ ଖେଳନା ଉପରେ ଡେଲିଭରି ଅଭ୍ୟାସ କରିଥିଲେ। ଏହା ପରେ ସେମାନେ ତାଙ୍କ ପ୍ରସବ କରିଛନ୍ତି। ପିଲାମାନେ ଶିଶୁ ଜନ୍ମ ପ୍ରକ୍ରିୟାଙ୍କୁ ଦେଖନ୍ତୁ ବୋଲି ସେ ଚାହୁଁଥିବା ଆଲେକ୍ସିସ କହିଛନ୍ତି।