ଭୋପାଳ,୨୬ ।୧୨: ଭାରତୀୟ ଜନତା ପାର୍ଟି(ଭାଜପା) ନେତା ତଥା ଏମପି ପ୍ରଜ୍ଞା ସିଂ ଠାକୁର ପୁଣିଥରେ ବିବାଦ ଘେରକୁ ଚାଲିଆସିଛନ୍ତି । ହିନ୍ଦୁ କର୍ମୀଙ୍କ ହତ୍ୟା ଉପରେ କଥା ହେଉଥିବା ସମୟରେ ସେ କହିଛନ୍ତି ହିନ୍ଦୁଙ୍କ ଉପରେ ଓ ସେମାନଙ୍କ ଗରିମା ଉପରେ ଆକ୍ରମଣ କରୁଥିବା ଲୋକଙ୍କୁ ଜବାବ ଦେବାର ଅଧିକାର ରହିଛି । ମଧ୍ୟ ପ୍ରଦେଶରେ ଭୋପାଳ ସଂସଦୀୟ ଅଞ୍ଚଳରେ ପ୍ରତିନିଧିତ୍ୱ କରୁଥିବା ଏମପି ହିନ୍ଦୁ ସମ୍ଫ୍ରଦାୟ ଅତିକମରେ ଘରେ ଛୁରି ରଖିବାର ଉପଦେଶ ଦେଇଛନ୍ତି । ସମସ୍ତଙ୍କୁ ନିଜର ରକ୍ଷା କରିବାର ଅଧିକାର ରହିଛି ।
ପ୍ରଜ୍ଞା ଠାକୁର ଏହି କଥା ‘ହିନ୍ଦୁ ନାରାୟଣ ବେଦିକା’ର ଦକ୍ଷିଣାଞ୍ଚଳ ବାର୍ଷିକ ସମାରୋହରେ କହିଛନ୍ତି । ସେ କହିଛନ୍ତି, ସେମାନଙ୍କ ନିକଟରେ ଲଭ ଜିହାଦର ଜିହାଦ ପରମ୍ପରା ରହିଛି, ଯଦି କିଛି କରୁ ନାହାନ୍ତି ତେବେ ଲଭ ଜିହାଦ କରୁଛନ୍ତି, ଯଦି ବି ସେ ଭଲ ପାଉଛନ୍ତି ସେଥିରେ ବି ଜିହାଦ କରୁଛନ୍ତି । ଆମ (ହିନ୍ଦୁ) ବି ଭଲ ପାଉ, ଭଗବାନଙ୍କୁ ଭଲପାଉ, ଜଣେ ସନ୍ୟାସୀ ତା’ର ଭଗବାନଙ୍କୁ ଭଲ ପାଇଥାଏ ।
