ଓର୍ଲାଣ୍ଡୋ,୨୦ା୧୧(ପି.ଟି.)-ଭାରତୀୟ ଟେନିସ ଖେଳାଳି ପ୍ରଜନେଶ ଗୁଣେଶ୍ୱରନ ଏଠାରେ ଚାଲିଥିବା ଓର୍ଲାଣ୍ଡୋ ଚ୍ୟାଲେଞ୍ଜର ଇଭେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଚତୁର୍ଥ ସିଡ୍ ପ୍ରଜନେଶ ତଙ୍ଗ୍ ଲିନ୍ ଉ’ ବିପକ୍ଷ ଦ୍ୱିତୀୟ ରାଉଣ୍ଡ ମ୍ୟାଚରେ ୫-୭, ୭-୫, ୨-୦ରେ ଅଗ୍ରଣୀ ଥିବାବେଳେ ଇଞ୍ଜୁରି ଯୋଗୁ ତାଇପେ ଖେଳାଳି ଓହରିଯାଇଥିଲେ। ସେତେବେଳକୁ ୨ ଘଣ୍ଟା ୩୦ମିନିଟ ଧରି ଖେଳ ଶେଷ ହୋଇଯାଇଥିଲା। ତଙ୍ଗ୍ ଲିନ୍ଙ୍କୁ ବିଜୟୀ ଘୋଷଣା କରାଯାଇଥିଲା। ୧୩୭ର଼୍ୟାଙ୍କିଙ୍ଗପ୍ରାପ୍ତ ପ୍ରଜନେଶ ଗତ ସପ୍ତାହରେ କାରେ ଚ୍ୟାଲେଞ୍ଜର ଫାଇନାଲରେ ପ୍ରବେଶ କରିଥିଲେ। ଏହି ଇଭେଣ୍ଟରେ ମଧ୍ୟ ସେ ଭଲ ଫର୍ମରେ ଅଛନ୍ତି। ବର୍ତ୍ତମାନ ସେ ୧୭୨ ର଼୍ୟାଙ୍କିଙ୍ଗପ୍ରାପ୍ତ କଜାକସ୍ତାନର ଦିମିତ୍ରି ପପ୍କୋଙ୍କୁ ଭେଟିବେ। ଏହି ପ୍ରତିଯୋଗିତାରେ ଭାଗ ନେଇଥିବା ଅନ୍ୟଜଣେ ଭାରତୀୟ ଖେଳାଳି ରାମକୁମାର ରମାନାଥନ ପ୍ରଥମରାଉଣ୍ଡରେ ସ୍ଥାନୀୟ ଖେଳାଳି ନିକ୍ ଚାପେଲଙ୍କଠାରୁ ପରାଜିତ ହୋଇ ବିଦାୟ ନେଇ ସାରିଛନ୍ତି।