ଓର୍ଲାଣ୍ଡୋ ୨୪ା୧୧:ଓର୍ଲାଣ୍ଡ ଓପନ୍ ଟେନିସ ପ୍ରତିଯୋଗିତାରେ ଭାରତୀୟ ଟେନିସ ଖେଳାଳି ପ୍ରଜନେଶ ଗୁଣେଶ୍ୱରନ ରନର୍ସଅପ୍ ହୋଇଛନ୍ତି। ୫୨,୦୮୦ ଆମେରିକୀୟ ଡଲାର ପୁରସ୍କାର ବିଶିଷ୍ଟ ଏହି ଏଟିପି ଚ୍ୟାଲେଞ୍ଜର ଇଭେଣ୍ଟର ଟାଇଟଲ ମୁକାବିଲାରେ ସେ ଆମେରିକାର ବ୍ରାଣ୍ଡନ ନାକାଶିମାଙ୍କଠାରୁ ୩-୬, ୪-୬ ସେଟ୍ରେ ପରାଜିତ ହୋଇଯାଇଛନ୍ତି। ୧ଘଣ୍ଟା ଓ ୨୮ ମିନିଟର ଏହି ମୁକାବିଲାରେ ଭାରତୀୟ ଟେନିସ ଖେଳାଳି ୮ଟି ବ୍ରେକ୍ ସୁଯୋଗ ପାଇଥିଲେ ମଧ୍ୟ ଗୋଟିଏ ହେଲେ କାର୍ଯ୍ୟକାରୀ କରିପାରି ନ ଥିଲେ। ପ୍ରଜନେଶଙ୍କର ଏହା ହେଉଛି କ୍ରମାଗତ ଦ୍ୱିତୀୟ ରନର୍ସଅପ୍। ଗତ ସପ୍ତାହରେ ସେ କ୍ୟାରି ଚ୍ୟାଲେଞ୍ଜର ଫାଇନାଲରେ ପ୍ରବେଶ କରିଥିଲେ। ଏହି ଫଳାଫଳ ଦ୍ୱାରା ପ୍ରଜନେଶ ର଼୍ୟାଙ୍କିଙ୍ଗ ତାଲିକାରେ ୧୨୮ରୁ ୧୩୭ତମ ସ୍ଥାନକୁ ଉନ୍ନୀତ ହୋଇ ପାରିଛନ୍ତି। ଏଥିସହିତ ସେ ଭାରତର ନମ୍ବର ଓ୍ବାନ ଖେଳାଳି ହୋଇ ପାରିଛନ୍ତି।