ନୂଆଦିଲ୍ଲୀ,୨୯।୪: କର୍ନାଟକର ହାସନ ଲୋକ ସଭା ଆସନର ଏମ୍ପି ପ୍ରଜ୍ଜ୍ୱଳ ରେଭାନ୍ନାଙ୍କ ନାଁରେ ଅନେକ ମହିଳା ଯୌନ ଶୋଷଣ ଅଭିଯୋଗ ଆଣିଛନ୍ତି। ରେଭାନ୍ନାଙ୍କ ବିରୋଧରେ ଏହି ଅଭିଯୋଗ କର୍ନାଟକ ରାଜନୀତିରେ ହଇଚଇ ସୃଷ୍ଟି କରିଥିଲା। ଦେଶରେ ଚାଲିଥିବା ଲୋକସଭା ନିର୍ବାଚନ ସମୟରେ ସେ ମେ ୨୭ରେ ଜର୍ମାନୀ ଛାଡି ପଳାଇଥିଲେ। ସୂଚନାନୁସାରେ, ପ୍ରଜ୍ଜ୍ୱଳ ରେଭାନ୍ନା ବର୍ତ୍ତମାନ ଭାରତକୁ ଫେରୁଛନ୍ତି। ସେ ମେ ୩୦ରୁ ମ୍ୟୁନିକ୍ରୁ ବେଙ୍ଗାଲୁରୁକୁ ରିଟର୍ନ ଟିକେଟ କରିଛନ୍ତି।
ସ୍ବତନ୍ତ୍ର ଅନୁସନ୍ଧାନକାରୀ (ଏସଆଇଟି) ସୂତ୍ର ଅନୁଯାୟୀ, ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବ ଗୌଡାଙ୍କ ନାତି ପ୍ରଜ୍ଜ୍ୱଳ ରେଭାନ୍ନା ଆସନ୍ତା ୩୧ ସକାଳେ ବେଙ୍ଗାଲୁରୁରେ ପହଞ୍ଚିବାର ସମ୍ଭାବନା ରହିଛି। ଏହି ଅବଧି ମଧ୍ୟରେ କେମ୍ପେଗୋଡା ବିମାନବନ୍ଦରରେ ଏସଆଇଟି ଦଳ ନିୟୋଜିତ ହେବେ। ବର୍ତ୍ତମାନ ପର୍ଯ୍ୟନ୍ତ ପ୍ରଜ୍ଜ୍ୱଳ ରେଭାନାଙ୍କ ବିରୋଧରେ ଦୁଇଟି ମାମଲା ରୁଜୁ ହୋଇଛି। ଏହି ମାମଲାର ଅନୁସନ୍ଧାନ କରୁଥିବା ଏସଆଇଟି ଦୁଇ ଜଣଙ୍କୁ ଗିରଫ କରିଛି। ଉଭୟ ଅଭିଯୁକ୍ତ ନବୀନ ଗୌଡା ଏବଂ ଚେତନ ଗୌଡା ବୋଲି ଜଣାପଡିଛି। ଉଭୟେ ପ୍ରଜ୍ଜ୍ୱଳ ଙ୍କ ସହ ଜଡିତ ଭିଡିଓ ଧାରଣ କରିଥିବା ପେନ ଡ୍ରାଇଭ ବଣ୍ଟନ କରିଥିବା ଅଭିଯୋଗ ହୋଇଛି।
ସୂଚନାଯୋଗ୍ୟ, ଅନେକ ମହିଳାଙ୍କୁ ଯୌନ ଶୋଷଣ କରୁଥିବା ଅଭିଯୋଗ ହୋଇଛି। ସେ ହାସନ ଲୋକ ସଭା ଆସନରୁ ଏନଡିଏ ପ୍ରାର୍ଥୀ। ହାସନ ଲୋକ ସଭା ନିର୍ବାଚନମଣ୍ଡଳୀରେ ଭୋଟ ଦେବାର ଗୋଟିଏ ଦିନ ପରେ ପ୍ରଜ୍ଜ୍ୱଳ ଏପ୍ରିଲ ୨୭ରେ ଜର୍ମାନୀ ଯାଇଥିଲେ। ତାଙ୍କ ବିରୋଧରେ ସିବିଆଇ ବ୍ଲୁ କର୍ଣ୍ଣର ନୋଟିସ ଜାରି କରିଛି। ଏଜେନ୍ସି ଦ୍ୱାରା ପ୍ରଜ୍ଜ୍ୱଳଙ୍କ କେଉଁଠାରେ ଅଛନ୍ତି ତାହା ଯାଞ୍ଚ୍ କରାଯାଉଛି। ଯୌନ ଶୋଷଣ ଏବଂ ବଳାତ୍କାର ମାମଲାରେ ତାଙ୍କ ବିରୋଧରେ ମେ ୧୮ରେ ସ୍ବତନ୍ତ୍ର କୋର୍ଟ ଗିରଫ ୱାରେଣ୍ଟ ଜାରି କରିଥିଲେ।
