ନୂଆଦିଲ୍ଲୀ,୨୧।୪: ଲୋକ ସଭା ନିର୍ବାଚନ ୨୦୧୯ରେ ବିହାରର ବେଗୁସରାଇ ଆସନ ହଟ୍ ସିଟ୍ ପାଲଟିଛି। କହ୍ନେୟା କୁମାର ଏହି ଆସନରୁ ନିର୍ବାଚନ ଲଢୁଥିବା ବେଳେ ଭାଜପାର ଫାୟାରବ୍ରାଣ୍ଡ ନେତା ଗିରିରାଜ ସିଂ ମଧ୍ୟ ଏହି ଆସନରୁ ନିର୍ବାଚନ ଲଢୁଛନ୍ତି। ବଲିଉଡ୍ ଷ୍ଟାର ମଧ୍ୟ ଏହି ଆସନ ପାଇଁ ପ୍ରଚାର କରିବାକୁ ଇଚ୍ଛା ପ୍ରକାଶ କରୁଛନ୍ତି। ତେବେ କିଛିଦିନ ତଳେ କହ୍ନେୟା କୁମାରଙ୍କ ପାଇଁ ପ୍ରଚାର କରିବାକୁ ସ୍ବରା ଭାସ୍କର ପ୍ରଚାର ମଇଦାନକୁ ଓହ୍ଲାଇଥିଲେ। ଏବେ ଏଥିରେ ସାମିଲ ହୋଇଛନ୍ତି ବଲିଉଡ୍ର ନାମୀ କଳାକାର ପ୍ରକାଶ ରାଜ। ନିଜେ ଏଥର ନିର୍ବାଚନରେ ଭାଗ ନେଇଥିବା ବେଳେ କହ୍ନେୟା କୁମାରଙ୍କ ପାଇଁ ପ୍ରଚାର କରିବାକୁ ଶନିବାର ପ୍ରକାଶ ବେଗୁସରାଇ ପହଞ୍ଚିଥିଲେ। ଏହାକୁ ନେଇ ସେ ଏକ ଟୁଇଟ୍ ମଧ୍ୟ କରିଥିଲେ ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ତେବେ ପ୍ରଚାର ସମୟରେ ସେ ଭାଜପା ଉପରେ ବର୍ଷିଥିବା ଦେଖିବାକୁ ମିଳିଥିଲା।
