ସାରା ଦେଶରେ କରୋନା ପ୍ରକୋପ ଜାରି ରହିଛି। କରୋନା ମୁକାବିଲା ପାଇଁ ସରକାର ୫ମ ପର୍ଯ୍ୟାୟ ଲକଡାଉନ ଘୋଷଣା କରିଛନ୍ତି। ଲକଡାଉନ ଯୋଗୁ ଫିଲ୍ମ ଇଣ୍ଡଷ୍ଟ୍ରି ଓ ଟେଲି ଜଗତର ସମସ୍ତ ଶୁଟିଂ ବନ୍ଦ ରହିଥିବାରୁ କଳାକାରମାନେ ଏବେ ଘରେ ବସି ନିଜ ମନପସନ୍ଦର କାର୍ଯ୍ୟକଳାପ କରୁଛନ୍ତି। ଏଥିସହ ଲକଡାଉନରେ ଲୋକମାନେ କିପରି ସମୟ ବିତାଇବେ ସେ ନେଇ ପ୍ରତିଦିନ ସୋସିଆଲ ମିଡିଆରେ ବାର୍ତ୍ତା ମଧ୍ୟ ଦେଉଛନ୍ତି। ଇତିମଧ୍ୟରେ ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହୁଥିବା ଅଭିନେତ୍ରୀ ପ୍ରକୃତି ମିଶ୍ର ନିକଟରେ କିଛି ଅଭିନେତ୍ରୀ ଓ ତାଙ୍କ ସାଙ୍ଗଙ୍କ ସହ ଏକାଠି ସମୟ ବିତାଇଥିବାର ଦେଖିବାକୁ ମିଳିଛି। ଏ ନେଇ ସେ ତାଙ୍କ ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ପ୍ରକୃତିଙ୍କ ସହ ଅଭିନେତ୍ରୀ ପ୍ରିୟା ଚୌଧୁରୀ, ପୁନମ ମିଶ୍ର, ନିହାରିକା ଦାସଙ୍କୁ ଦେଖିବାକୁ ମିଳିଛି। ଏହି ଫଟୋ ଶେୟାର କରି ପ୍ରକୃତି କ୍ୟାପ୍ସନରେ ‘ଏମ୍ପାୱାର୍ଡ ୱମେନ’ ଲେଖିଛନ୍ତି। ପ୍ରକୃତିଙ୍କ ଏହି ଫଟୋରେ ଅନେକ ଲୋକ ଲାଇକ ଓ କମେଣ୍ଟ ଦେଇଛନ୍ତି।