ଧନ ଓ ସମୃଦ୍ଧିର ଦେବୀ ମାତା ଲକ୍ଷ୍ମୀଙ୍କୁ ସନ୍ତୁଷ୍ଟ କରିବା ପାଇଁ ନିଷ୍ଠାର ସହ ପୂଜା କରିବା ସହ ତାଙ୍କ ନିକଟରେ ନାନାଦି ରକମର ଭୋଗ କରାଯାଇଥାଏ। କିନ୍ତୁ ଜାଣନ୍ତି କି ଏମିତି ବି କିଛି ଭୋଗ ରହିଛି ଯାହା ମାତା ଲକ୍ଷ୍ମୀଙ୍କର ଖୁବ୍ ପ୍ରିୟ ହୋଇଥାଏ। ଯେମିତିକି: ନଡ଼ିଆ; ଯାହାକୁ ଶ୍ରୀଫଳ ବୋଲି ବି କୁହାଯାଇଥାଏ। ଏହି ଫଳ ଅତ୍ୟନ୍ତ ପବିତ୍ର । ଏଥିରେ ରହିଥିବା ପାଣି ସବୁଠାରୁ ଶୁଦ୍ଧ ହୋଇଥିବାରୁ ମା’ଙ୍କର ଏହା ପ୍ରିୟ ହୋଇଥାଏ। ସେଥିପାଇଁ ମା’ ଲକ୍ଷ୍ମୀଙ୍କୁ ନେଇ ଯେତେ ବି ପୂଜା ରହିଛି, ସବୁଥିରେ ନଡ଼ିଆ ଭୋଗ ନିହାତି ରହିଥାଏ। ସେହିପରି କେଶର ପକାଯାଇଥିବା ହଳଦିଆ ରଙ୍ଗର ଭାତ ହେଉ ବା ଖେଚୁଡ଼ି, ହଳଦିଆ ରଙ୍ଗର ମିଷ୍ଟାନ୍ନ, ଖିରି, ଆଖୁ, ଡାଳିମ୍ବ ଆଦି ବି ମାତା ଲକ୍ଷ୍ମୀଙ୍କର ଅତ୍ୟନ୍ତ ପ୍ରିୟ ହୋଇଥାଏ ବୋଲି ଅନେକଙ୍କର ବିଶ୍ୱାସ ରହିଛି। ଅନ୍ୟପକ୍ଷେ କେହି କେହି ମା’ଙ୍କ ନିକଟରେ ଶୁଦ୍ଧ ଗୁଆଘିଅରେ ପ୍ରସ୍ତୁତ ହାଲୁଆ ବି ଭୋଗ ଲଗାଇଥାନ୍ତି। ଖାସ୍କରି ଦୀପାବଳି ସମୟରେ କେତେକ ସ୍ଥାନରେ ମାତା ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ତାଙ୍କ ନିକଟରେ ଆଖୁ ଭୋଗ କରାଯାଉଥିବାର ଦେଖିବାକୁ ମିଳିଥାଏ। ଏପରିକି ଆଉ କିଛି ସ୍ଥାନରେ ପାଣି ସିଙ୍ଗଡ଼ା ଓ ମଖାନା ସହ ମିଠାପାନ ମା’ଙ୍କ ନିକଟରେ ଭୋଗ ଲଗାଯାଉଥିବାର ବିଧି ରହିଛି।