ନୂଆଦିଲ୍ଲୀ,୨୬ ।୪: ପ୍ରତିଥର ପରାଜୟର ମୁହଁ ଦେଖି ଦେଖି ଏଥର କଂଗ୍ରେସ ଟାର୍ଗେଟରେ ୨୦୨୪ ନିର୍ବାଚନ । ଏଥିପାଇଁ ଦଳ ପକ୍ଷରୁ ଅନେକ ପ୍ରକାର ପରିବର୍ତ୍ତନର ପ୍ରସ୍ତାବ ଦିଆଯାଇଛି । ଏଥିରେ ରାଜନୀତିର ଚାଣକ୍ୟ କୁହାଯାଉଥିବା ପ୍ରଶାନ୍ତ କିଶୋରଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିଛି । ହେଲେ କଂଗ୍ରେସ ପକ୍ଷରୁ ଏବେ ମିଳିଥିବା ଏକ ସୂଚନା ଅନୁଯାୟୀ ପ୍ରଶାନ୍ତ କିଶୋର କଂଗ୍ରେସ କମିଟିରେ ସାମିଲ ହେବାକୁ ମନା କରି ଦେଇଛନ୍ତି ।
କଂଗ୍ରେସ ପ୍ରବକ୍ତା ରଣଦୀପ ସିଂ ସୁରଜେୱାଲାଙ୍କ ପକ୍ଷରୁ ଏହି ବୟାନ ଆସିଛି । ସେ କହିଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ପକ୍ଷରୁ ୨୦୨୪ ନିର୍ବାଚନ ଲାଗି ଏକ ଆକ୍ସନ ଗ୍ରୁପ ପ୍ରସ୍ତୁତ କରାଯାଇଛି । ପ୍ରଶାନ୍ତ କିଶୋରଙ୍କୁ ବି ଏହି ଗ୍ରୁପରେ ସାମିଲ କରାଯାଇ ବହୁତ କିଛି ଦାୟିତ୍ୱ ତୁଲାଇବାକୁ ଅଫର ଦିଆଯାଇଥିଲା । ହେଲେ ସେ ଏହାକୁ ଗ୍ରହଣ କରି ନାହାନ୍ତି । ତେବେ ତାଙ୍କର ପ୍ରୟାସ ଓ ଦଳକୁ ଦେଇଥିବା ପରାମର୍ଶର ଆମେ ସମ୍ମାନ କରୁଛୁ ବୋଲଇ ସୁରଜେୱାଲା କହିଛନ୍ତି ।