ପାଟନା,୧୫।୬: ରାଜନୀତିର ଚାଣକ୍ୟ ପ୍ରଶାନ୍ତ କିଶୋର ଗୁରୁବାର ଭାରତୀୟ ଜନତା ପାର୍ଟି(ଭାଜପା) ଉପରେ ଖୁବ ବର୍ଷିଛନ୍ତି। ପ୍ରଶାନ୍ତ କିଶୋର କହିଛନ୍ତି, ବିହାରରେ ଏବେ ଭାଜପାର କିଛି ନାହିଁ। ଯେମିତି ପୋଖରିରେ ମାଛ ଖୋଜାଯାଏ ସେମିତି ଭାଜପା ଏବେ ଖୋଜୁଛି କିଏ ମିଳିଯିବ କି ଯାହା ଚେହେରାରେ ସେ ନିର୍ବାଚନ ଲଢିବ। ନରେନ୍ଦ୍ର ମୋଦିଙ୍କ ନାମରେ କିଛିଟା ଭୋଟ ମିଳିବ, ବାସ ସେତିକି। ସେ କହିଛନ୍ତି ବିହାରର କୌଣସି ଭାଜପା ନେତାଙ୍କ ନାମରେ ୫ଟି ଭୋଟ ବି ନାହିଁ। ଏହାକୁ ନେଇ ସେ ପ୍ରଶ୍ନ ବି କରିଛନ୍ତି।
ସେ କହିଛନ୍ତି ଯେ ବିହାର ଭାଜପାର ପୂର୍ବତନ ଅଧ୍ୟକ୍ଷ ଯେତେବେଳେ ସେ ଅନ୍ୟ ଦଳରୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ସେତେବେଳେ ତାଙ୍କୁ ମାତ୍ର ୬,୦୦୦ଭୋଟ ମିଳିଥିଲା। ଅତୀତରେ ବିହାରରେ ଏମଏଲସି ନିର୍ବାଚନ ଅନୁଷ୍ଠିତ ହୋଇଥିଲା। ଭାଜପାର ୫ ଜଣ ସାଂସଦ ଅଛନ୍ତି ଏବଂ ସମ୍ପୂର୍ଣ୍ଣ ଶକ୍ତି ବ୍ୟବହାର କରିବା ପରେ ମଧ୍ୟ ଭାଜପା ମାତ୍ର ୪୯୫ ଭୋଟ ପାଇଛି।