ନୂଆଦିଲ୍ଲୀ,୭।୪: ଲୋକ ସଭା ନିର୍ବାଚନର ପ୍ରସ୍ତୁତି ମଧ୍ୟରେ ରାଜନୀତିର ଚାଣକ୍ୟ କୁହାଯାଉଥିବା ପ୍ରଶାନ୍ତ କିଶୋର କଂଗ୍ରେସ ନେତା ରାହୁଲ ଗାନ୍ଧୀ ଓ ଇଣ୍ଡିଆ ମେଣ୍ଟର ରଣନୀତିକୁ ନେଇ ପ୍ରଶ୍ନ ଉଠାଇଛନ୍ତି। ଇତିମଧ୍ୟରେ ସେ ଦାବି କରିଛନ୍ତି କି ଭାଜପା ଦକ୍ଷିଣ ରାଜ୍ୟରେ ଭଲ ପ୍ରଦର୍ଶନ କରିବ ଓ ଅଧିକ ଆସନରେ ବିଜୟୀ ହେବ।
କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରି ନ୍ୟୁଜ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ ସେ କହିଛନ୍ତି, ଆପଣଙ୍କ ଲଢେଇ ଉତ୍ତରପ୍ରଦେଶ, ବିହାର ଏବଂ ମଧ୍ୟପ୍ରଦେଶରେ ଅଛି, କିନ୍ତୁ ଆପଣ ମଣିପୁର ଏବଂ ମେଘାଳୟ ପରିଦର୍ଶନ କରୁଛନ୍ତି। ଏଥିରେ ଆପଣଙ୍କୁ କିପରି ସଫଳତା ମିଳିବ। ଯଦି ଆପଣ ଉତ୍ତର ପ୍ରଦେଶ, ବିହାର ଏବଂ ମଧ୍ୟପ୍ରଦେଶରେ ଜିତନ୍ତି ନାହିଁ, ତେବେ ୱାୟାନାଡରୁ ଜିତିବାରେ କୌଣସି ଲାଭ ହେବ ନାହିଁ। ଆମେଥୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନକରିବା ନିଷ୍ପତ୍ତି ଭୁଲ ପ୍ରମାଣିତ ହେବ, ଏହା ଏକ ଭୁଲ ବାର୍ତ୍ତା ପଠାଇବ।
ପ୍ରଶାନ୍ତ କିଶୋର କହିଛନ୍ତି, ରାହୁଲ ଗାନ୍ଧୀ ଗତ ୧୦ ବର୍ଷ ଧରି ଦଳ ପାଇଁ ଫଳାଫଳ ଆଣିବାରେ ଅସମର୍ଥ ପ୍ରମାଣିତ ହୋଇଛନ୍ତି। ଏହା ସତ୍ତ୍ୱେ ସେ ଅନ୍ୟମାନଙ୍କୁ ସୁଯୋଗ ଦେଉ ନାହାଁନ୍ତି କିମ୍ବା ସେ ନଜେ ହଟି ଯାଉଛନ୍ତି। ଯେତେବେଳେ ଆପଣ ୧୦ ବର୍ଷ ଧରି ସମାନ କାର୍ଯ୍ୟ କରୁଛନ୍ତି ଏବଂ ଏଥିରେ କୌଣସି ସଫଳତା ପାଇନାହାଁନ୍ତି, ତେବେ ବିଶ୍ରାମ ନେବାରେ କୌଣସି କ୍ଷତି ନାହିଁ। ସେମାନେ ଆଗାମୀ ୫ବର୍ଷ ପାଇଁ ଅନ୍ୟକୁ ଏହି କାମ କରିବାକୁ ଦିଅନ୍ତୁ।
ଏହି ସମୟରେ ସେ ହାସ୍ୟାସ୍ପଦ ଭାବରେ କହିଥିଲେ, ସମଗ୍ର ବିଶ୍ୱରେ ଭଲ ନେତାଙ୍କ ଏକ ମୁଖ୍ୟ ବୈଶିଷ୍ଟ୍ୟ ହେଉଛି ଯେ ସେମାନେ ସେମାନଙ୍କ ନିକଟଷର କ’ଣ ଅଭାବ ରହିଛଇ ତାହା ଜାଣନ୍ତି ଏବଂ ସେମାନେ ସେହି ତ୍ରୁଟିଗୁଡିକୁ ଦୂର କରିବା ଦିଗରେ ସକ୍ରିୟ ଭାବେ କାର୍ଯ୍ୟ କରନ୍ତି, କିନ୍ତୁ ରାହୁଲ ଗାନ୍ଧୀ ଭାବୁଛନ୍ତି ଯେ ସେ ସବୁକିଛି ଜାଣନ୍ତି। ଏପରି ପରିସ୍ଥିତିରେ, କେହି ତୁମକୁ ସାହାଯ୍ୟ କରିପାରିବେ ନାହିଁ। ଯଦି ଏହି ଲୋକ ସଭା ନିର୍ବାଚନ ମନ ମୁତାବକ ଫଳାଫଳ ଦେଇ ନ ଥାଏ, ତେବେ ରାହୁଲ ଗାନ୍ଧୀ ଏକ ପାଦ ଛାଡି ଅନ୍ୟ ନେତାମାନଙ୍କୁ କାମ କରିବାକୁ ଦିଅନ୍ତୁ।