ପାଟନା,୪।୮: ନିର୍ବାଚନ ରଣନୀତିଜ୍ଞ ତଥା ଜନ ସୁରଜ ଅଭିଯାନର ପ୍ରମୁଖ ପ୍ରଶାନ୍ତ କିଶୋରଙ୍କ ଆଗାମୀ ବିହାର ବିଧାନସଭା ନିର୍ବାାଚନ ୨୦୨୫ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଏହି ସମୟରେ ପ୍ରଶାନ୍ତ କିଶୋର ପାଟଣାର ବାପୁ ଅଡିଟୋରିୟମରେ ଜନ ସୁରଜର ଯୁବ ବନ୍ଧୁମାନଙ୍କ ସହ କଥାବାର୍ତ୍ତା କରିଥିଲେ। ଏହି ସମୟରେ ସେ ୨୦୨୫ ନିର୍ବାଚନ ସମ୍ପର୍କରେ ଏକ ବଡ଼ କଥା କହିଛନ୍ତି। ସେ କହିଛନ୍ତି ଯେ, ଜନ ସୁରଜ ପାର୍ଟି ୨୪୩ଟି ଆସନରେ ନିର୍ବାଚନ ଲଢିବ। ଦିନ ଥିଲା ଆମକୁ ନୀତୀଶ କୁମାର ଝୁଲାଇ ଝୁଲାଇ ପାଗଳ କରିଦେଇଥିଲେ। କିନ୍ତୁ ଏବେ ସମୟ ବଦଳିଛି। ଏବେ କର ବା ମର ଲଢେଇ ହେବ।
ଏହି କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଛନ୍ତି, ଆମେ ସେହି ଯୁବକମାନଙ୍କୁ ପ୍ରସ୍ତୁତ କରୁଛୁ, ଯେଉଁମାନେ ଆଗାମୀ ବର୍ଷରେ ଲୋକଙ୍କ ସହ ରହିବେ। ମୁଁ ଲିଖିତ ଭାବରେ ଦେଉଛି ଯେ ଆସନ୍ତା ବର୍ଷ ଏହି ଯୁବକମାନେ ଗୃହରେ ବସିବେ।
ବିହାର ବିଧାନସଭାରେ ସମୁଦାୟ ୨୪୩ ସଦସ୍ୟ ଅଛନ୍ତି। ବର୍ତ୍ତମାନ ସୁଦ୍ଧା, ଆସନ୍ତା ୨୦୨୫ ବିଧାନସଭା ନିର୍ବାଚନ ଭାଜପା, ଜେଡିୟୁ, ହିନ୍ଦୁସ୍ତାନୀ ଆୱାମ ମୋର୍ଚ୍ଚା ଏବଂ ରାଷ୍ଟ୍ରିୟ ଲୋକ ମୋର୍ଚ୍ଚା ସହିତ ଏନଡିଏ ଦ୍ୱାରା ଲଢିବାକୁ ଯାଉଛି। ତେବେ ଆସନ୍ତା ବିଧାନସଭା ନିର୍ବାଚନ ପାଇଁ ଆସନ ବଣ୍ଟନ ଏପର୍ଯ୍ୟନ୍ତ କରାଯାଇ ନାହିଁ।
