ଭୁବନେଶ୍ୱର,୧୧ା୧୧(ବ୍ୟୁରୋ): ଓଡ଼ିଶା ପୋଲିସ ହାଉସିଂ ଆଣ୍ଡ ଓ୍ବେଲଫେୟାର କର୍ପୋରେଶନ(ଓପିଏଚ୍ଡବ୍ଲ୍ୟୁସି) ଡେପୁଟି ମ୍ୟାନେଜର ପ୍ରତାପ କୁମାର ସାମଲଙ୍କ ଘରେ ଭିଜିଲାନ୍ସ ଚଢ଼ାଉ କରି ବିପୁଳ ପରିମାଣର ଆୟ ବହିର୍ଭୂତ ସମ୍ପତ୍ତି ଠାବ ହେବା ପରେ ତାଙ୍କୁ ବୁଧବାର ଗିରଫ କରାଯାଇଛି। ସେ ଏବେ ଜେଲ୍ରେ ଥିବାବେଳେ ତାଙ୍କ ପାଇଁ ଅଡୁଆ ବଢିବାରେ ଲାଗିଛି।
ପ୍ରତାପଙ୍କ ଓଲିଉଡ୍ ଲିଙ୍କ ନେଇ ଖୋଳତାଡ ଆରମ୍ଭ ହୋଇଛି। ପ୍ରତାପ ପୂର୍ବରୁ ୨ଟି ବ୍ୟୟବୋହୁଳ ଓଡ଼ିଆ ସିନେମାରେ ଟଙ୍କା ଲଗାଇଥିଲେ ବୋଲି ଜଣାପଡିଛି। ଫଲ୍ମରେ ସ୍ତ୍ରୀ ସସ୍ମୀତା ସାମଲଙ୍କୁ ଆଗକୁ ଆଣି ତାଙ୍କୁ ସହ ପ୍ରଯୋଜକ ଦର୍ଶାଇଥିଲେ। ତେବେ ଏହା ଜଣାପଡିବା ପରେ କୋଟିପତି ପ୍ରତାପଙ୍କୁ ନେଇ ସର୍ଚ୍ଚା ଜୋର ଧରିଛି। କୁହାଯାଉଛି ଆଗକୁ ଓଲିଉଡ୍ ଜଗତରେ ପ୍ରତାପ କୋଟି କୋଟି ଟଙ୍କା ନିବେଶ କରିଥାନ୍ତେ। ତେବେ ପ୍ରତାପ ଜେଲ୍ରେ ଥିବାରୁ ଭିଜିଲାନ୍ସ ତାଙ୍କୁ ରିମାଣ୍ଡରେ ଆଣି ଆୟବହିର୍ଭୂତ୍ତ ସମ୍ପତ୍ତିର ଉତ୍ସ ଖୋଜିବା ସହ ଓଲିଉଡ୍ ଲିଙ୍କ ନେଇ ପଚରାଉଚାର କରିବ।
