ଅନୁଗୋଳ ଅଫିସ୍, ୭।୮ – ଅନୁଗୋଳ ଝିଅ ପ୍ରତ୍ୟୁଷା ଅମାନ୍ତ ମିସ୍ ଭର୍ଚୁଆଲ ଇନ୍କ୍ଲ୍ୟୁଶନ ମଡେଲ-୨୦୨୦ର ମୁକୁଟ ବିଜୟିନୀ ହୋଇଛନ୍ତି। ଅନୁଗୋଳ କଲେଜ ଛକ ସ୍ଥିତ ଅଜିତ କୁମାର ଅମାନ୍ତ ଓ ପ୍ରମୋଦିନୀ ଅମାନ୍ତଙ୍କ ଝିଅ ପ୍ରତ୍ୟୁଷା ଅନୁଗୋଳ ସରକାରୀ ସ୍ବୟଂଶାସିତ ମହାବିଦ୍ୟାଳୟରୁ ଇଂଲିଶ ସମ୍ମାନରେ ସ୍ନାତକ, ଇଗ୍ନୋରୁ ସ୍ନାତକୋତ୍ତର ପରେ ଏକ ଘରୋଇ ଶିକ୍ଷାନୁଷ୍ଠାନରେ ଅଧ୍ୟାପିକା ଭାବେ କାର୍ଯ୍ୟ କରୁଛନ୍ତି। ମିସ୍ ଭର୍ଚୁଆଲ ଇନ୍କ୍ଲ୍ୟୁଶନ ମଡେଲ-୨୦୨୦ ପାଇଁ ଗତ ଫେବୃୟାରୀରେ ସେ ରେଜିଷ୍ଟ୍ରେଶନ କରିଥିଲେ। ତେବେ କରୋନା ପାଇଁ ଏହି ପ୍ରତିଯୋଗିତା ଅନ୍ଲାଇନ୍ରେ ହୋଇଥିଲା। ଏଥିରେ ଓଡ଼ିଶା, ଛତିଶଗଡ଼, ଆସାମ, ବିହାର, ଆନ୍ଧ୍ରପ୍ରଦେଶ, ଝାଡ଼ଖଣ୍ଡ, କର୍ନାଟକରୁ ୬୩ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ମୋଟ୍ ୬ଟି ରାଉଣ୍ଡରେ ସେ ବିଚାରକଙ୍କ ମନ ଜିଣି ମୁକୁଟ ବିଜୟିନୀ ହୋଇଥିଲେ। ଗ୍ଲୋବାଲ ବ୍ୟୁଟି ଇଣ୍ଟରନ୍ୟାଶନାଲ ସଂସ୍ଥା, ଦି ପ୍ରୋ ମହୋତ୍ସବ ଇଭେଣ୍ଟ ଅମରେଶ ଅର୍ଗାନାଇଜେଶନ ଓ ଉଇ ଫର୍ ୟୁ’ର ମିଳିତ ଆନୁକୂଲ୍ୟରେ ଏହା ଆୟୋଜିତ ହୋଇଥିଲା।