କୋକସରା,୧୭।୭(ଡି.ଏନ୍.ଏ): ଏନ୍ଡିଏ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ବିଜୟ ପାଇଁ ରବିବାର କଳାହାଣ୍ଡି ଜିଲା କୋକସରା ବ୍ଲକର ଲଡୁଗାଁ ଜଗନ୍ନାଥ ଏବଂ ହନୁମାନ ମନ୍ଦିରରେ ଭାଜପା ଏବଂ ବିଶ୍ୱ ହିନ୍ଦୁ ପରିଷଦର ଦଳୀୟ କର୍ମକର୍ତ୍ତା ପ୍ରଦୀପ ପ୍ରଜ୍ଜ୍ୱଳନ କରିବା ସହ ସମୁହ ପ୍ରାର୍ଥନା କରିଥିଲେ। ଏହି ଅବସରରେ ଭାଜପା ନେତା ଜନାର୍ଦ୍ଦନ ପଣ୍ଡା, ବିଶ୍ୱ ହିନ୍ଦୁ ପରିଷଦ ସଭାପତି ସୁବାସ ଅଗ୍ରୱାଲ, କୋକସରା ମଣ୍ଡଳ ସଭାପତି ଦୁର୍ଗା ପ୍ରସାଦ ପ୍ରଧାନୀ, ଉପ ସଭାପତି ଗୋପାଳ ଅଗ୍ରୱାଲ, ଜିଲା କୃଷକ ମୋର୍ଚ୍ଚା ସମ୍ପାଦକ ଗଣେଶ ନନ୍ଦ, ପ୍ରମୋଦ କୁମାର ପଣ୍ଡା, କିଷନ କୁମାର ପଟ୍ଟନାୟକ, ସୁବାସ ଦାସ, ବୈଦ୍ୟନାଥ ମାଝି, ସୁଶୀଲ କୁମାର ପାଢ଼ୀ, ସୁବାସ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ। ସୋମବାର ରାଷ୍ଟ୍ରପତି ନିର୍ବାଚନ। ଏହି ପରିପ୍ରେକ୍ଷୀରେ ବିଜେଡି ସହ ଦେଶର ବିଭିନ୍ନ ରାଜନୈତିକ ଦଳ ଦ୍ରୌପଦୀଙ୍କୁ ସମର୍ଥନ କରିଛନ୍ତି।