ମୁମ୍ବାଇ: ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ଏବଂ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଖୁବ୍ଶୀଘ୍ର ଦୁଇରୁ ତିନି ଜଣ ହେବାକୁ ଯାଉଛନ୍ତି। ଏହା କହିବାର ଅର୍ଥ ହେଲା ଅନୁଷ୍କାଙ୍କ ଘରକୁ ନୂଆ ଅତିଥି ଆସିବାକୁ ଯାଉଛନ୍ତି। ଏ ବିଷୟରେ କୋହଲି କିଛି ସମୟ ପୂର୍ବରୁ ପ୍ରଶଂସକଙ୍କ ସହ ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେବାରେ ଲାଗିଛି।
ଅନୁଷ୍କା ଗୁରୁବାର ମୁମ୍ବାଇରେ ତାଙ୍କ ପିତାଙ୍କ ସହ ନଜର ଆସିଥିଲେ। ଏହି ସମୟରେ ଅନୁଷ୍କା ଧଳା ରଙ୍ଗର ଏକ ଲମ୍ବା ଡ୍ରେସ୍ ପିନ୍ଧିଛନ୍ତି। ଏହା ଉପରେ ଏକ ଡେନିମର ଜ୍ୟାକେଟ ପିନ୍ଧିଥିବା ନଜର ଆସିଛନ୍ତି। ମୁହଁରେ ଏକ ମାସ୍କ ମଧ୍ୟ ଥିଲା। ଏହି ସମୟରେ ଅନୁଷ୍କା କାର୍ରୁ ଓହ୍ଲାଇବା ପରେ ତାଙ୍କ ପିତା ବି କାରରୁ ଓହ୍ଲାଇ ତାଙ୍କୁ ଅନୁସରଣ କରିଥିଲେ। ଅନୁଷ୍କାଙ୍କ ଏହି ଭିଡିଓ ସୋସିଆଲ ମିଡିଆରେ ଦିନକୁ ଖୁବ୍ ଭାଇରାଲ ହେଉଛି। ଅନୁଷ୍କାଙ୍କ ବେବି ବମ୍ପ୍ ଦେଖି ପ୍ରଶଂସକମାନେ ଖୁବ୍ ଖୁସି ହେବା ସହ ପ୍ରଶଂସା ବି କରୁଛନ୍ତି।