ଆଜିକାଲି ବଲିଉଡ ଅଭିନେତ୍ରୀ ସୋନମ କପୁର ତାଙ୍କ ଗର୍ଭଧାରଣକୁ ଉପଭୋଗ କରୁଛନ୍ତି। ନିକଟରେ ସେ ଏକ ଫଟୋଶୁଟ୍ କରିଛନ୍ତି, ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଫଟୋ ଗୁଡିକରେ ସୋନମଙ୍କ ମୁହଁରେ ମା’ ହେବାର ଆନନ୍ଦ ସ୍ପଷ୍ଟ ଦେଖାଯାଉଛି। ଫଟୋରେ ସୋନମଙ୍କୁ ଏକ କ୍ରିମ ରଙ୍ଗର ସାଟିନ ଡ୍ରେସରେ ଦେଖିବାକୁ ମିଳେ। ସେ ବେକରେ ଏକ ଲମ୍ବା ଏବଂ ଭାରୀ ହାର ପିନ୍ଧିଛନ୍ତି, ଯାହା ତାଙ୍କୁ ରାଜକୀୟ ରୂପ ଦେଉଛି । ସୋନମ ଗୋଟିଏ ପରେ ଗୋଟିଏ ଅନେକ ଫଟେ ଶେୟାର କରିଛନ୍ତି, ଏଥିରେ ତାଙ୍କର ସୁନ୍ଦର ବେବି ବମ୍ପ ମଧ୍ୟ ଦେଖାଯାଉଛି।
୨୦୧୮ ମେ’ ୮ ତାରିଖରେ ସୋନମ କପୁର ଓ ଆନନ୍ଦ ଅହୁଜା ବିବାହ କରିଥିଲେ। ଏବେ ବିବାହର ଚାରିବର୍ଷ ପରେ ଉଭୟ ନୂଆ ଅତିଥିକୁ ସ୍ବାଗତ କରିବାକୁ ଯାଉଛନ୍ତି। ଅନେକ ଥର ସୋନମ ଗର୍ଭବତୀ ଥିବା ନେଇ ଗୁଜବ ସାମ୍ନାକୁ ଆସିଥିଲା। କିନ୍ତୁ ପ୍ରତିଥର ସେ ଏହାକୁ ଖଣ୍ଡନ କରିଥିଲେ। କିନ୍ତୁ ଏବେ ସେ ସର୍ବସମ୍ମୁଖରେ ମା’ ହେବାକୁ ଯାଉଥିବା କଥା ଘୋଷଣା କରିଥିଲେ।