ନୂଆଦିଲ୍ଲୀ,୧୩।୪: ’ଶତ୍ରୁ’ଙ୍କ ପ୍ରେମରେ ପଡ଼ିଯାଇଛନ୍ତି ଚୁଲବୁଲି ପ୍ରୀତି ଜିଣ୍ଟା। ଆପଣ ଭାବୁଥିଲେ କାହିଁକି ଏବଂ କିଭଳି? କାରଣ ଶତ୍ରୁଜଣଙ୍କ ଏପରି ଏକ କାମ କରିଛନ୍ତି ଯେ ତାଙ୍କୁ ସେ ଅଣଦେଖା କରିପାରି ନାହାନ୍ତି। ଆମେ ଅଭିଷେକ ଶର୍ମାଙ୍କ କଥା କହୁଛୁ, ଯିଏ ଏପ୍ରିଲ ୧୨ରେ ପ୍ରୀତି ଜିଣ୍ଟାଙ୍କ ଦଳ ପଞ୍ଜାବ କିଙ୍ଗ୍ସ ବିପକ୍ଷରେ ବିସ୍ଫୋରକ ଇନିଂସ ଖେଳିଥିଲେ। ଯଦିଓ ସେ ବିରୋଧୀ ଟିମ୍ରୁ ଆସିଥିଲେ, ତଥାପି ସେ ପ୍ରୀତି ଜିଣ୍ଟାଙ୍କ ମନ ଜିଣି ନେଇଥିଲେ।
ଅଭିଷେକ ସନରାଇଜର୍ସ ହାଇଦ୍ରାବାଦ ପାଇଁ ଏକ ବିସ୍ଫୋରକ ଇନିଂସ ଖେଳିଥିଲେ, ଯାହା ପଞ୍ଜାବ କିଙ୍ଗ୍ସକୁ ପରାଜୟ ମୁଖକୁ ଠେଲି ଦେଇଥିଲା। କିନ୍ତୁ ଏସବୁ ଭିତରେ ଶତକ ହାସଲ କରିବା ପରେ ତାଙ୍କର ସେଲିବ୍ରେଶନକୁ କେହି କିପରି ଭୁଲିପାରିଥାନ୍ତା? ଅଭିଷେକଙ୍କ ସିଗ୍ନେଚର ସେଲିବ୍ରେଶନ ଦେଖି ପ୍ରୀତି ଜିଣ୍ଟା ତାଙ୍କର ଫ୍ୟାନ ହୋଇଯାଇଥିଲେ ଏବଂ ମ୍ୟାଚ ପରେ କିଛି ସମୟ ପାଇଁ ତାଙ୍କ ସହିତ ଗପସପ କରୁଥିବାର ଦେଖାଯାଇଥିଲା।
Tonight belongs to Abhishek Sharma ! What a talent & what an unbelievable knock.
Congratulations SRH ! As for us , best to forget tonight and move on as it’s early days in the tournament & such games are best forgotten. SRHvPBKS
— Preity G Zinta (@realpreityzinta) April 12, 2025
ମ୍ୟାଚ ପରେ, ପ୍ରୀତି ଜିଣ୍ଟାଙ୍କୁ କେବଳ ପଡ଼ିଆରେ ଅଭିଷେକ ଶର୍ମାଙ୍କୁ ଭେଟିବାର ଦେଖାଯାଇ ନ ଥିଲା ବରଂ ସେ ନିଜେ ତାଙ୍କର ସିଗ୍ନେଚର ସେଲିବ୍ରେସନ ମଧ୍ୟ କରିଥିଲେ। ପଡ଼ିଆରେ ଦେଖାଯାଇଥିବା ସେହି ଦୃଶ୍ୟର ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
Preity Zinta recreating the Abhishek Sharma celebration.
pic.twitter.com/CEsQjn7FEL
— Mufaddal Vohra (@mufaddal_vohra) April 12, 2025
ତେବେ ପଞ୍ଜାବ କିଙ୍ଗସ ବିପକ୍ଷ ମ୍ୟାଚ୍ରେ ଅଭିଷେକ ଶର୍ମା ୫୫ ବଲରେ ୧୪୧ ରନ କରିଥିଲେ। ୨୫୬.୩୬ ଷ୍ଟ୍ରାଇକ ରେଟ୍ରେ ସେ ଖେଳିଥିଲେ। ତାଙ୍କ ଇନିଂସରେ ୧୦ଟି ଛକା ଏବଂ ୧୪ଟି ଚୌକା ଥିଲା। ଏହି ଇନିଂସରେ ସେ ମାତ୍ର ୪୦ ବଲରେ ତାଙ୍କର ଶତକ ପୂରଣ କରିଥିଲେ, ଯାହା SRH ର ଯେକୌଣସି ବ୍ୟାଟ୍ସମ୍ୟାନଙ୍କ ଦ୍ୱାରା ଲଗାଯାଇଥିବା ଦ୍ୱିତୀୟ ଦ୍ରୁତତମ ଶତକ ଥିଲା। ଏହା IPL ୨୦୨୫ ରେ ଲଗାଯାଇଥିବା ତୃତୀୟ ଶତକ। ଏହା ଅଭିଷେକ ଶର୍ମାଙ୍କ IPL କ୍ୟାରିୟରର ପ୍ରଥମ ଶତକ।
ସୂଚନାଯୋଗ୍ୟ, ପ୍ରଥମେ ବ୍ୟାଟିଂ କରି, ପ୍ରୀତି ଜିଣ୍ଟାଙ୍କ ଦଳ ପଞ୍ଜାବ କିଙ୍ଗସ ସନରାଇଜର୍ସ ହାଇଦ୍ରାବାଦ ପାଇଁ ୨୪୬ ରନର ଟାର୍ଗେଟ ଦେଇଥିଲା, ଯାହାକୁ ସେମାନେ ୯ ବଲ ବାକିଥାଇ ହାସଲ କରି ନେଇଥିଲେ। ଏହା ଆଇପିଏଲ ଇତିହାସରେ ଦ୍ୱିତୀୟ ସବୁଠାରୁ ବଡ଼ ଟାର୍ଗେଟ ଥିଲା।
