ଭୁବନେଶ୍ୱର,୨୨।୯: ଦେଶର ପ୍ରମୁଖ ଗୃହୋପକରଣ ନିର୍ମାତା ଏବଂ ବିକ୍ରେତା କମ୍ପାନୀ ଗୋଦ୍ରେଜ୍ ଆପ୍ଲାଏନ୍ସେସ୍ ପକ୍ଷରୁ ନିକଟରେ ନୂତନ ପ୍ରିମିୟମ ଉତ୍ପାଦ ର ଉନ୍ମୋଚନ କରାଯାଇଛି। ଏପରିକି ଚଳିତ ଉତ୍ସବ ଋତୁରେ ଗ୍ରାହକମାନଙ୍କୁ ଖୁସି କରିବା ପାଇଁ କମ୍ପାନୀ ପକ୍ଷରୁ ‘ଦିଲ୍ ବୋଲେ ୱାଓ’ ଅଭିଯାନର ମଧ୍ୟ ଶୁଭାରମ୍ଭ କରାଯାଇଛି। ଏଥିରେ ଚଳିତ ଉତ୍ସବ ସମୟରେ ଆପ୍ଲାଏନ୍ସେସ୍ କିଣିବାକୁ ଚାହୁଁଥିବା ନୂଆ ଗ୍ରାହକମାନଙ୍କ ଲାଗି ୧୦୦ରୁ ଅଧିକ ନୂଆ ମଡେଲ ସହିତ ବ୍ୟାପକ ବର୍ଗର ଉପଭୋକ୍ତାଙ୍କ ପାଇଁ ଅଫର ରହିଛି। ସବୁ ବର୍ଗରେ ପ୍ରିମିୟମ ଉତ୍ପାଦ ର ଗ୍ରହଣୀୟତାରେ ବୃଦ୍ଧିର ଧାରା ଅନୁସାରେ କମ୍ପାନୀ ପକ୍ଷରୁ ନୂଆ ଇଅନ୍ ଭେଲ୍ଭେଟ୍ ସିରିଜ୍ ଉତ୍ପାଦ ବର୍ଗମାଳାକୁ ଉନ୍ମୋଚନ କରାଯାଇଛି।
ଏ ସମ୍ପର୍କରେ ଗୋଦ୍ରେଜ୍ ଆଣ୍ଡ ବଏସ୍ର ଅଂଶ ଗୋଦ୍ରେଜ୍ ଆପ୍ଲାଏନ୍ସେସ୍ର ବ୍ୟବସାୟ ମୁଖ୍ୟ ଓ କାର୍ଯ୍ୟନିର୍ବାହୀ ଉପସଭାପତି କମଳ ନନ୍ଦୀ କହିଛନ୍ତି, ନୂଆ ଉତ୍ପାଦ ବର୍ଗମାଳା ବିଭିନ୍ନ ବର୍ଗର ମୁଖ୍ୟତଃ ପ୍ରିମିୟମ ଉତ୍ପାଦ ଉପରେ କେନ୍ଦ୍ରୀଭୂତ, ଯେଉଁଥିରେ ସାଇଡ୍-ବାଏ-ସାଇଡ୍ ରେଫ୍ରିଜରେଟର ଠାରୁ ଟପ୍ ଏଣ୍ଡ୍ ଅଟୋମେଟିକ୍ ୱାଶିଂମେଶିନ, ଡବଲ୍ ଡୋର୍ ରେଫ୍ରିଜରେଟର ଓ ଉନ୍ନତ ଏୟାର କଣ୍ଡିସନର ଆଦି ରହିଛି। ଉପଭୋକ୍ତା ସ୍କିମ୍ ସହ ଏହା ଆମର ଗ୍ରାହକମାନଙ୍କୁ ଅପ୍ଗ୍ରେଡ୍ ହେବା ସହଜ କରିବ। ଏହି ନୂଆ ଉପତ୍ାଦ ଚଳିତ ଉତ୍ସବ ଋତୁରେ ଆମ ପାଇଁ ୫୦%ରୁ ଅଧିକ ଅଭିବୃଦ୍ଧିରେ ସହାୟକ ହେବ ବୋଲି ଆଶା କରାଯାଉଛି।