ଭୁବନେଶ୍ୱର: ଆଇଏମ୍ଡିର ରିର୍ପୋଟ ଅନୁସାରେ ଉତ୍ତର ଆଣ୍ଡାମାନ ସାଗର ପୂର୍ବ କେନ୍ଦ୍ର୍ରୀୟ ବଙ୍ଗୋପସାଗରରେ ମେ ୨୨ରେ ଏକ ଲଘୁଚାପ ବଳୟ ସୃଷ୍ଟି ହୋଇଛି। ଏହା ପରବର୍ତ୍ତୀ ୭୨ ଘଣ୍ଟା ମଧ୍ୟରେ ଆହୁରି ତ୍ରୀବ ରୂପ ଧାରଣ କରି ମେ ୨୫ରେ ଏକ ସାମୁଦ୍ରିକ ବାତ୍ୟାରେ ପରିଣତ ହେବ ବୋଲି ଆକଳନ କରାଯାଇଛି। ଏହି ସମ୍ଭାବ୍ୟ ବାତ୍ୟାର ସଫଳ ମୁକାବିଲା ପାଇଁ ଟିପିସିଓଡିଏଲ୍ର ଏକ ସମୂର୍ଣ୍ଣ ବିଜ୍ନେସ କଣ୍ଟିନ୍ୟୁଟି ଆଣ୍ଡ ଡିଜାଷ୍ଟର ମ୍ୟାନେଜମେଣ୍ଟ (ବିସିଡିଏମ୍ପି) ପ୍ରସ୍ତୁତ ରହିଛି। ଏଭଳି ସମୟରେ ବାତ୍ୟା ମୁକାବିଲା ପାଇଁ ବିସିଡିଏମ୍ପି ସବୁ ପ୍ରକାରର ବନ୍ଦୋବସ୍ତ ସହ ଜରୁରିକାଳୀନ ସେବା ଯୋଗାଇ ଦେବାକୁ ଆଗୁଆ ପ୍ରସ୍ତୁତ ସହ ଏକ ମକ୍ ଡ୍ରିଲ୍ ମଧ୍ୟ ଅନୁଷ୍ଠିତ ହୋଇଯାଇଛି। କୋଭିଡ୍ ରୋଗୀ ସେବା ଯେଭଳି ବ୍ୟାଘତ ନ ହେବ ସେଥି ପ୍ରତି ଦୃଷ୍ଟି ଦେବାକୁ ସ୍ବତନ୍ତ୍ର ବ୍ୟବସ୍ଥା କରାଯାଇଛି। ଏପରିକି ୨୪ ଘଣ୍ଟିଆ ବିଦ୍ୟୁତ୍ ଯୋଗାଣ ପାଇଁ ଏକ ଟିମ୍ ମଧ୍ୟ ପ୍ରସ୍ତୁତ କରାଯାଇଛି। ସଂସ୍ଥାକୁ ଲାଇସେନ୍ସ ମିଳିଥିବା ଅଞ୍ଚଳଗୁଡିକ ପାଇଁ ୨୪ ଘଣ୍ଟିଆ କଲ୍ ସେଣ୍ଟର ୧୯୧୨ ଏବଂ ଟୋଲ୍ ଫ୍ରି ନଂ ୧୮୦୦୩୪୫୭୧୨୨କୁ କଲ୍ କରି ଅଞ୍ଚଳବାସୀ ସମସ୍ୟା ସମ୍ପର୍କରେ ଅବଗତ କରାଇ ପାରିବେ। ଏ ସମ୍ପର୍କରେ ଟିପିସିଓଡିଏଲ୍ର ସିଇଓ ଏମ. ସେନବାଗମ କହିଛନ୍ତି ଯେ ନିରବଚ୍ଛିନ୍ନ ବିଦ୍ୟୁତ୍ ଯୋଗାଣକୁ ନିଶ୍ଚିତ କରିବା ବିଶେଷ କରି କୋଭିଡ୍-୧୯ ମହାମାରୀ ଭଳି ସମୟରେ ଏହାର ଆବଶ୍ୟକତାକୁ ଗୁରୁତ୍ୱ ଦେଇ ଆମେ ସେବା ଯୋଗାଇ ଦେବା ପାଇଁ ପ୍ରତିବଦ୍ଧ ରହୁଛି।