ନୂଆପଡ଼ା,୨୨ (ମକାରୁ ବେମାଲ): ନୂଆପଡ଼ା ଜିଲାର ପରମ୍ପରା,ଐତିହ୍ୟ, କଳା, ସଂସ୍କୃତିକୁ ଉଜ୍ଜୀବିତ ରଖିବା ପାଇଁ ଜିଲାସ୍ତରୀୟ ମାରାଗୁଡା ଲୋକ ମହୋତ୍ସବ ଏପ୍ରିଲ ପ୍ରଥମ ସପ୍ତାହରେ ମିନି ଷ୍ଟାଡିୟମଠାରେ ଆୟୋଜିତ ହେବାକୁ ଯାଉଥିବାବେଳେ ପ୍ରସ୍ତୁତି ଜୋରସୋରରେ ଚାଲିଛି। ଶୁକ୍ରବାର ପ୍ରଚାର କମିଟି ସଦସ୍ୟ ସିମାଞ୍ଚଳ ମହାପାତ୍ରଙ୍କ ନେତୃତ୍ୱରେ ଏକ ଦଳ କେରମେଲି ପଞ୍ଚାୟତର ଗୋଳାବନ୍ଧ, ପେଠିଆପାଲି ଓ ମାରାଗୁଡା ଗାଁକୁ ଯାଇ ମହୋତ୍ସବର ପ୍ରଚାର ପ୍ରସାର ସହ ପୋଷ୍ଟର ମାଧ୍ୟମରେ ଲୋକଙ୍କୁ ବୁଝାଇଥିଲେ। ମାରାଗୁଡା ସଭ୍ୟତାକୁ ନେଇ ନୂଆପଡା ମହୋତ୍ସବ ମାରାଗୁଡା ଲୋକ ମହୋତ୍ସବ ନାମରେ ନାମିତ ହୋଇଛି। ଏହି ଅବସରରେ ମାରାଗୁଡା ଗାଁ ଠାରେ ଏକ ସଭା କରାଯାଇ ରାଜା ରାଜୁତି କାଳରେ ଚୌହାନ ବଂଶ ଓ ଶ୍ରୀରାମଙ୍କ ପୁତ୍ର କୁଶ ଏହି ଅଞ୍ଚଳରେ ରାଜୁତି କରୁଥିଲେ ବୋଲି ପ୍ରଚାର କମିଟି ସଦସ୍ୟ କହିଥିଲେ। ସେ ସମୟରେ କେତେକ କୀର୍ତ୍ତିରାଜି ପତୋରା ଅପର ଜୋଙ୍କ ଜଳିସଚେନ ପ୍ରକଳ୍ପରେ ଲୀନ ହୋଇ ଯାଇଛି ବୋଲି କହିଥିଲେ। ନୂଆପଡା ଜିଲା ସଦର ମହକୁମାଠାରେ ପ୍ରତିବର୍ଷ ଲୋକ ମହୋତ୍ସବ ହୋଇ ଆସୁଥିଲା। କୌଣସି କାରଣରୁ ୨୦୧୨ ଠାରୁ ଏହା ବନ୍ଦ ହୋଇଯାଇଥିଲା। ୧୨ ବର୍ଷ ପରେ ପୁଣି ହେଉଥିବାରୁ ଜିଲାବାସୀ ବେଶ ଖୁସି ଅଛନ୍ତି ା ପ୍ରଚାର କମିଟି ସଦସ୍ୟ ଅଂଶୁମାନ ଅଗସ୍ତି, ରାହୁଳ ବାଗ ଓ ଗ୍ରାମବାସୀ ଉପସ୍ଥିତ ଥିଲେ ା
