ଛତ୍ରପୁର,୪ା୧୦(ସନ୍ତୋଷ ପାଢ଼ୀ/ଦିଲ୍ଲୀପ ସାମଲ): ଆସନ୍ତା ୬ ତାରିଖରୁ ଗଞ୍ଜାମର ଅଧିଷ୍ଠାତ୍ରୀ ମା’ ତାରାତାରିଣୀ ମନ୍ଦିରରେ ହେବ ଷୋଡ଼ଶ ଉପଚାର ପୂଜା। ଏଥିପାଇଁ ବୁଧବାର ଗଞ୍ଜାମ ଜିଲାପାଳ ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଜିଲାପାଳ ଦିବ୍ୟଜ୍ୟୋତି ପରିଡ଼ାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ମା’ଙ୍କ ବେଶ ସହ ଚଣ୍ଡୀପାଠ ୧୬ ଦିନ ପର୍ଯ୍ୟନ୍ତ ହେବା ସହ ଅନ୍ୟସବୁ ପ୍ରସ୍ତୁତି ବିଷୟରେ ବୈଠକରେ ଆଲୋଚନା ହୋଇଥିଲା। ଏହି ଷୋଡ଼ଶ ବେଶ ଦେଖିବା ପାଇଁ ବହୁ ଭକ୍ତଙ୍କ ଆଗମନ ହେବ। ଏହାକୁ ଦୃଷ୍ଟିରେ ରଖି ସମସ୍ତ ପ୍ରସ୍ତୁତି କରିବାକୁ ପଡ଼ିବ। ଆଉ ମାତ୍ର ହାତ ଗଣତି ଦୁଇ ଦିନ ରହିଛି। ତେଣୁ ସମସ୍ତ ପ୍ରକାରର ପ୍ରସ୍ତୁତି ଶେଷ କରିବାକୁ କୁହାଯାଇଛି। ମନ୍ଦିରର ସଫେଇ ସଠିକ ଭାବେ କରିବାକୁ କୁହାଯାଇଛି। ଗତଥର ଦୀପ ପିଣ୍ଡ ଛୋଟ ଅଘଟଣ ହୋଇଥିଲା। ଏହାକୁ ଦୃଷ୍ଟିରେ ଅଗ୍ନିଶମ ବିଭାଗ ରହିବା ସେହି ସ୍ଥାନରେ ଦୀପ ବାରଣ ରହିଛି। ୬ରୁ ୨୨ ତାରିଖ ଧରି ଷୋଡ଼ଶ ପୂଜା ମା’ଙ୍କ ରୀତିନୀତି ଅନୁସାରେ ସମସ୍ତ କାମ ଯେପରି ସଠିକଭାବେ ସମାପ୍ତ ହେବା ସେନେଇ ଜିଲାପାଳ ଗୁରୁତ୍ୱ ଦେଇଥିଲେ। ଆସନ୍ତା ଶୁକ୍ରବାର ଦିନ ଶହେ ଜଣ ମହିଳା ମନ୍ଦିର ଉପରକୁ କଳସ ପାଣି ନେଇକି ଯିବେ, ତେଣୁ ସମସ୍ତ ପାହାଚ ସଫା ସହ ଆଲୋକ ବ୍ୟବସ୍ଥା ଉପରେ ଆଲୋଚନା ହୋଇଥିଲା। ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଗଞ୍ଜାମ ଅତିରିକ୍ତ ଜିଲାପାଳ ଲୀନା କୁମାରୀ ଖେସ,ଛାତ୍ରପୁର ଉପଜିଲାପାଳ ପ୍ରସନ୍ନ ପାତ୍ର, ଡୁଡା ପିଡି ନୀଳମାଧବ ଭୋଇ, ବିଡିଏ ସଚିବ ସମ୍ବିତ କୁମାର ରାଉତ,ମନ୍ଦିର ଟ୍ରଷ୍ଟ ସମ୍ପାଦକ ପ୍ରମୋଦ କୁମାର ପଣ୍ଡା,ମନ୍ଦିର ସେବାୟତ ସଂଘର ସଭାପତି ତପନ ରଣା, ମୁଖ୍ୟ ପୂଜକ ବାପୁଜୀ ରଣା, ସ୍ଥାନୀୟ ବିଡିଓ ବିଜୟ କୁମାର ବେହେରା, ତହସିଲଦାର, ଗଞ୍ଜାମ ଅବକାରୀ ଅଧୀକ୍ଷକ ଦେବୀ ପ୍ରସାଦ ଦାଶ, ସୁଜିତ ନାୟକ, ପୁରୁଷୋତ୍ତମପୁର ଥାନାଧିକାରୀ ସମୀର କୁମାର ରାଉତରାୟଙ୍କ ସମେତ ବିଭିନ୍ନ ଲାଇନ ବିଭାଗର ଅଧିକାରୀ ପ୍ରମୁଖ ଉପସ୍ଥିତ ଥିଲେ।
