ବରଗଡ଼ ଅଫିସ,୫ା୧୦: ବରଗଡ଼ ଜିଲା ଆଶାକର୍ମୀ ସଂଘ ୧୩ ଦଫା ଦାବିରେ ସୋମବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବରଗଡ଼ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଛି। ଆଶାକର୍ମୀଙ୍କୁ କର୍ମଚାରୀ ମାନ୍ୟତା ପ୍ରଦାନ, ମାସିକ ୧୮ହଜାର ଟଙ୍କା ବେତନ, ଯୋଗ୍ୟତା ଭିତ୍ତିରେ ଏଏନ୍ଏମ୍ ପଦବୀକୁ ପଦୋନ୍ନତି, ଆଶାଗୃହ ନିର୍ମାଣ ଆଦି ଦାବି ରହିଛି। ଆଶାକର୍ମୀ ସଂଘର ସଭାପତି ଗୌରୀ ଖଟେଇ, ସମ୍ପାଦକ ସୁଷମା ବାରିକଙ୍କ ନେତୃତ୍ୱରେ ସଂଘର ସଭ୍ୟାବୃନ୍ଦ ଉପସ୍ଥିତ ଥିଲେ।