ନୂଆଦିଲ୍ଲୀ,୨୬ ।୭: ରାଷ୍ଟ୍ରପତି ଦ୍ରୌପଦୀ ମୁର୍ମୁୁ ସୋମବାରଠାରୁ ୨୮ ସେପ୍ଟେମ୍ବର ପର୍ଯ୍ୟନ୍ତ ୩ ଦିନିଆ କର୍ନାଟକ ଗସ୍ତରେ ଯାଉଛନ୍ତି । ରାଷ୍ଟ୍ରପତି ଭାବେ କୌଣସି ରାଜ୍ୟକୁ ଏହା ତାଙ୍କର ପ୍ରଥମ ଗସ୍ତ ହେବ । ଏହି ଯାତ୍ରା ସମୟରେ ସୋମବାର ସେ ଚାମୁଣ୍ଡି ହିଲ୍ସ, ମୈସୁରରେ ମୈସୁର ଦଶହରା ମହୋତ୍ସବର ଉଦଘାଟନ କରିବେ । ଏହାପରେ ସେ ହୁବଲି-ଧାରୱାଡ ନଗର ନିଗମ ଦ୍ୱାରା ହୁବଲିରେ ଆୟୋଜିତ ସମ୍ମାନ ସମାରୋହ ‘ପୌରା ସମ୍ମାନ’ରେ ବି ସାମିଲ ହେବେ । ସେ ଧାରୱାଡରେ ଭାରତୀୟ ସୂଚନା ପ୍ରଦ୍ଦ୍ୟୋଗିକ ସଂସ୍ଥାନ, ଧାରୱାଡର ନୂଆ ପରିସରକୁ ଉଦଘାଟନ କରିବେ ।
ରାଷ୍ଟ୍ରପତି ଭବନପକ୍ଷରୁ ଜାରି କାର୍ଯ୍ୟକ୍ରମ ଅନୁଯାୟୀ, ରାଷ୍ଟ୍ରପତି ୨୭ ସେପ୍ଟେମ୍ବରରେ ବେଙ୍ଗାଲୁରୁରେ ହିନ୍ଦୁସ୍ତାନ ଏରୋନଟିକ୍ସ ଲିମିଟେଡର ଏକିକୃତ କାର୍ଯ୍ୟଯୋଜନା ଇଞ୍ଜିନ ନିର୍ମାଣ ସୁବିଧାର ଉଦ୍ଘାଟନ କରିବେ । ସେହିପରି ଶେଷ ଦିନରେ ସେ ଦୁଇଟି କାର୍ଯ୍ୟକ୍ରମରେ ଯୋଗ ଦେଇ ନୂଆଦିଲ୍ଲୀ ଫେରିବେ ।
ରାଷ୍ଟ୍ରପତି ହେବା ପରେ ଦ୍ରୌପଦୀ ମୁର୍ମୁ ତାଙ୍କର ପ୍ରଥମ ଗସ୍ତ ଆରମ୍ଭ କରିଛନ୍ତି । ବିଦେଶ ଯାତ୍ରା ଭାବେ ପ୍ରଥମେ ସେ ମହାରାଣୀ ଏଲିଜାବେଥ ଦ୍ୱିତୀୟଙ୍କ ଅନ୍ତିମ ସଂସ୍କାରରେ ଯୋଗ ଦେବା ଲାଗି ଲଣ୍ଡନ ଗସ୍ତ କରିଥିଲେ । ଏବେ ବେଙ୍ଗାଲୁରୁ ଗସ୍ତ ପରେ ୧୪ ଅକ୍ଟୋବରକୁ ସେ ତ୍ରିପୁରା ଗସ୍ତ କରିବାର କାର୍ଯ୍ୟକ୍ରମ ରହିଛି ।