ୱାଶିଂଟନ,୫ ।୨: ଆମେରିକା ରାଷ୍ଟ୍ରପତି ଜୋ ବାଇଡେନ ଡେମୋକ୍ରାଟିକ ପାର୍ଟିର ଏକ ବୈଠକରେ ଦ୍ୱିତୀୟ କାର୍ଯ୍ୟକାଳ ପାଇଁ ପ୍ରାର୍ଥୀ ହେବାର ସଙ୍କେତ ଦେଇଛନ୍ତି । ବୈଠକରେ ଡେମୋକ୍ରାଟିକ ପାର୍ଟିର ସଦସ୍ୟ ‘ଆଉ ଚାରି ବର୍ଷ’ ବୋଲି ସ୍ଲାଗାନ ଦେଇଥିଲେ । ହେଲେ ଏବେ ପର୍ଯ୍ୟନ୍ତ ଏହାର ଅଫିସିଆଲ ଆନାଉନସମେଣ୍ଟ କରାଯାଇନାହିଁ । ବାଇଡେନ ‘ରାଷ୍ଟ୍ରୀୟ ଡେମୋକ୍ରାଟିକ ସମିତି’କୁ କହିଛନ୍ତି କି ତାଙ୍କ ପ୍ରଶାସନ ଏକ ମଜଭୁତ ଅର୍ଥବ୍ୟବସ୍ଥା ପ୍ରସ୍ତୁତ କରିବାରେ ସହଯୋଗ କରିଛି ।
ବାଇଡେନ କହିଛନ୍ତି, ତାଙ୍କ ପ୍ରଶାସନ ଜନହିତକର କାର୍ଯ୍ୟ, ସ୍ୱାସ୍ଥ୍ୟସେବା ଓ ସବୁଜ ପ୍ରଯୁକ୍ତିବିଦ୍ୟାରେ ଦେଶର ପ୍ରମୁଖ ଫେଡେରାଲ ବିନିଯୋଗ କରିଛନ୍ତି । ସେ ରିପ୍ଲିକାନ ଉଗ୍ରବାଦକୁ ମଧ୍ୟ ସମାଲୋଚନା କରିଥିଲେ । ଏହି ସମୟରେ ସେ ଦଳୀୟ ନେତାଙ୍କୁ ପ୍ରଶ୍ନ କରିଥିଲେ କି ଆପଣମାନେ ମୋ ସହ ଅଛନ୍ତି ତ । ବାଇଡେନ ଆସନ୍ତା ସପ୍ତାହରେ ହେବାକୁ ଥିବା ‘ଷ୍ଟେଟ ଅଫ ୟୁନିୟନ’ ଅଭିଭାଷଣ ପୂର୍ବରୁ ରାଜନୈତିକ ଏକତା ଆହ୍ୱାନ କରିଛନ୍ତି ।
