ନୂଆଦିଲ୍ଲୀ,୨୩।୪: ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଏବେ ଦକ୍ଷିଣ ଆମେରିକୀୟ ଦେଶ ଗସ୍ତରେ ଅଛନ୍ତି। ଶନିବାର ଗୁଆନାରେ ତାଙ୍କର ସମକକ୍ଷ ହୟୁ ଡଟଙ୍କ ସହ ୫ମ ଭାରତ-ଗୁଆନା ମିଳିତ କମିଟି ବୈଠକରେ ସହଯୋଗ କରିଥିଲେ। ଏହି ସମୟରେ ସେ ରାଷ୍ଟ୍ରପତି ଇରଫାନ ଅଲି ଓ ଉପରାଷ୍ଟ୍ରପତି ଭରତ ଜଗଦେବଙ୍କ ସହ ସାକ୍ଷାତ୍ କରିଛନ୍ତି। ଏହି ବୈଠକରେ କୃଷି, ପ୍ରତିରକ୍ଷା ସହଯୋଗ ଏବଂ ଭିତ୍ତିଭୂମି ବିକାଶ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହୋଇଥିଲା।
ରାଷ୍ଟ୍ରପତି ଅଲି ଏହି ସାକ୍ଷାତକାର ସମୟରେ ଜୟଶଙ୍କରଙ୍କୁ ଏକ ବିଶେଷ ଉପହାର ଦେଇଛନ୍ତି। ଉପହାର ସ୍ବରୁପ ସେ ଏକ କ୍ରିକେଟ ବ୍ୟାଟ ଓ ତାଙ୍କ ନାମ ଲେଖାଥିବା ଏକ ଜର୍ସି ଉପହାର ଦେଇଛନ୍ତି। ଏହାର ଏକ ଫଟୋ ଜୟଶଙ୍କର ଟୁଇଟରରେ ଶେୟାର କରିଛନ୍ତି। ଏହି ସମୟରେ କ୍ରିକେଟକୁ ନେଇବି ଆଲୋଚନା ହୋଇଥିଲା।
