ବାରିପଦା ଅଫିସ,୪ା୫: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗୁରୁବାରଠାରୁ ୩ଦିନିଆ ମୟୂରଭଞ୍ଜ ଜିଲା ଗସ୍ତରେ ଆସୁଛନ୍ତି। ଜନ୍ମମାଟିରେ ପହଞ୍ଚତ୍ବା ପରେ ତାଙ୍କୁ ଭବ୍ୟ ସ୍ବାଗତ କରିବା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଶାଶୁଘର ଗଁା ପାହାଡ଼ପୁରଠାରୁ ଆରମ୍ଭକରି ରାଇରଙ୍ଗପୁର ବାସଭବନ, ଶିମିଳିପାଳ ଅଭୟାରଣ୍ୟ ଓ ବାରିପଦାସ୍ଥିତ ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ ସେ ଯୋଗଦେବେ। ପୂର୍ବାଞ୍ଚଳ ଡିଆଇଜି ହିମାଂଶୁ ଲାଲ ପହଞ୍ଚତ୍ ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି। ସକାଳ ୭ଟାରେ ରାଷ୍ଟ୍ରପତି ରାଇସିନାରୁ ବାହାରିବେ। ପାଲାମ ଏୟାରପୋର୍ଟରୁ ଏକ ସ୍ବତନ୍ତ୍ର ବିମାନ ଯୋଗେ ପଶ୍ଚିମବଙ୍ଗର କୋଲେଇକୁଣ୍ଡା ଏୟାରପୋର୍ଟରେ ୯ଟା ୧୫ରେ ଅବତରଣ କରିବେ। ସେଠାରୁ ୯ଟା ୨୫ରେ ପୁଣି ଏକ ଆଇଏଏଫ୍ ଏମ୍ଆଇ-୧୭ ହେଲିକପ୍ଟର ଯୋଗେ ଆସି ୧୦ଟା ୧୫ରେ ବାଦାମପାହାଡ଼ସ୍ଥିତ ଦିଘିଆବେଡ଼ା ହେଲିପ୍ୟାଡ୍ରେ ଓହ୍ଲାଇବେ। ୧୦ଟା୨୫ରେ ସ୍ବତନ୍ତ୍ର କାର୍ ଯୋଗେ ଶାଶୁଘର ପାହାଡ଼ପୁର ଯିବେ। ଏହାପରେ ନିର୍ଦ୍ଧାରିତ ଅନ୍ୟାନ୍ୟ କାର୍ଯ୍ୟକ୍ରମରେ ଯୋଗଦେବେ।
