ନୂଆଦିଲ୍ଲୀ: କରୋନା ଭାଇରସ୍ ସଂକ୍ରମଣରୁ ରକ୍ଷା ପାଇବା ପାଇଁ ଏବେ ପ୍ରାୟ ସମସ୍ତେ ପରିବାପତ୍ରକୁ ସାନିଟାଇଜ୍ କରି ଜୀବାଣୁମୁକ୍ତ କରିବା ପାଇଁ ବିଭିନ୍ନ ପ୍ରକାରର ଉପାୟ ଅବଲମ୍ବନ କରୁଛନ୍ତି। ଏ ଦୃଷ୍ଟିରୁ ଆଇଏଏସ୍ ଅଫିସର ସୁପ୍ରିୟା ସାହୁଙ୍କର ଏକ ଭିଜୁଆଲ୍ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଏହି ଅଫିସରଜଣକ ଶେୟାର କରିଥିବା ଭିଜୁଆଲ୍ରେ ଜଣେ ବ୍ୟକ୍ତି ପ୍ରେସରକୁକର ସାହାଯ୍ୟରେ ପରିବାକୁ କୀଟାଣୁମୁକ୍ତ କରୁଛନ୍ତି ଆଉ ଏହି ଉପାୟକୁ ଏକ ଭିନ୍ନ ଉପାୟ ଦର୍ଶାଇ ସେ ଏହାକୁ ସୋସିଆଲ୍ ମିଡିଆରେ ଶେୟାର କରିଛନ୍ତି।
ପରିବା ସଫା କରିବା ପାଇଁ ବ୍ୟକ୍ତିଜଣକ ପ୍ରଥମେ ପ୍ରେସରକୁକରରେ ପାଣି ଭର୍ତ୍ତି କରି ଗ୍ୟାସ୍ ଉପରେ ରଖୁଛନ୍ତି ଏବଂ ଏଥିରେ ହ୍ବିସିଲ୍ ଦେବା ବଦଳରେ ସେ ଏକ ପାଇପ୍ ଲଗାଇ ଦେଉଛନ୍ତି। ଏହି ପାଇପ୍ରେ ବାମ୍ଫ ଆସିବା ମାତ୍ରେ ତାହାକୁ ପରିବା ଉପରକୁ ଦେଖାଇ ସେ ପରିବାକୁ କୀବାଣୁମୁକ୍ତ କରୁଛନ୍ତି।
ବ୍ୟକ୍ତିଜଣଙ୍କର ଏହି କୌଶଳ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ଲୋକେ ତାଙ୍କୁ ଏହି ଭିଡିଓ ନେଇ ଏବେ ବେଶ୍ ସୁନ୍ଦର କମେଣ୍ଟ ବି ଦେଉଛନ୍ତି। ତେବେ ପରିବାକୁ ଏଭଳିଭାବେ କୀଟାଣୁମୁକ୍ତ କରିବା ପ୍ରକ୍ରିୟା ଦେଖି ଅନେକେ ଆଶ୍ଚର୍ଯ୍ୟ ମଧ୍ୟ ହୋଇଛନ୍ତି।