ଡାଇବେଟିସରେ ରୋଗୀଙ୍କୁ ସବୁବେଳେ ହେଲଦି ଖାଇବା ସହ ଡାଏଟ କଣ୍ଟ୍ରୋଲ କରିବା ପାଇଁ କୁହାଯାଇଥାଏ। ତେବେ ଆଗକୁ ଦିଓ୍ବାଲୀ ଆସୁଥସିବାବେଳେ ଘରେ ଘରେ ବିଭିନ୍ନ ଖାଦ୍ୟପେୟର ଆୟୋଜନ ହେବା ସହ ମିଠା ମଧ୍ୟ ପ୍ରସ୍ତୁତ ହେବ। ଘରକୁ ଆସୁଥିବା ଅତିଥି ବହୁ ଗିଫ୍ଟ ସହ ମିଠା ମଧ୍ୟ ଆଣିବେ। ଏତେସବୁ ମିଠା ଦେଖି ଡାଇବେଟିସ ରୋଗୀଙ୍କୁ ଲୋଭ ଲାଗୁଥିଲେ ମଧ୍ୟ ଡାକ୍ତର ଓ ପରିବାରର ବାରଣ ପାଇଁ ସେମାନଙ୍କୁ ନିରାଶ ହେବାକୁ ପଡିପାରେ। ଲୋଭ ସମ୍ଭାଳି ନ ପାରି ଖାଇଦେଲେ ବ୍ଲଡ ସୁଗାର ମାତ୍ରା ବୃଦ୍ଧି ପାଇବାର ସମ୍ଭାବନା ରହିଛି।
ଏତେ ସବୁ ଭିତରେ ଆପଣଙ୍କୁ କିଛି ଉପାୟ କହିବାକୁ ଯାଉଛୁ, ଯାହାଦ୍ୱାରା ଡାଇବେଟିସ ରୋଗୀ ବି ଦିଓ୍ବାଲୀର ବିଭିନ୍ନ ପ୍ରକାର ଖାଦ୍ୟପେୟର ମଜା ଉଠାଇ ପାରିବେ।
-ଦିନ ଭିତରେ କଣ ଖାଇବେ କଣ ନ ଖାଇବେ ଟେନଶନ ନ ନେଇ ବ୍ରେକଫାଷ୍ଟ ଭଲ ଭାବରେ କରନ୍ତୁ। ଡାଇବେଟିସ ରୋଗୀ ମର୍ଣ୍ଣିଂ ଡାଏଟରେ ଫଳ ଓ ସବୁଜ ପନିପରିବା ଖାଇପାରିବେ। ଗ୍ଲାଇସୋମିକ ଇଣ୍ଡେକ୍ସ କମ୍ ଥିବା ଏବଂ ରକ୍ତ ଶର୍କରା ବଢିବାର ଆଶଙ୍କା ନ ଥିବା ଫଳଗୁଡିକୁ ଚୟନ କରନ୍ତୁ। ଏପରି ଖାଦ୍ୟ ଖାଇଲେ ଆପଣଙ୍କ ରକ୍ତ ଶର୍କରା ନିୟନ୍ତ୍ରଣରେ ରହିବ।
-ଡେ ଟୁଡେ ଲାଇଫରେ ଡାକ୍ତରଙ୍କ ପ୍ରେସକାଇବ ଡେଲି ରୁଟିନକୁ ହେଳା କରନ୍ତୁ ନାହିଁ। ପ୍ରତିଦିନ ଚାଲିବା, ସାଇକେଲିଂ ଏବଂ ଯୋଗ କରନ୍ତୁ। ପ୍ରତିଦିନ ଏକ୍ସରସାଇଜ କରିବା ଦ୍ୱାରା ଇନସୁଲିନ ଓ ଶରୀରରେ ଗ୍ଲୁକୋଜର ମାତ୍ରା ନିୟନ୍ତ୍ରଣରେ ରହିଥାଏ।
-ଆପଣଙ୍କ ଅଗରେ କିଛି ଡିଲିସିୟସ ଖାଦ୍ୟ ଆଣି ରଖିଦେଲେ ଅଚାନକ ସେଇ ଖାଦ୍ୟକୁ ଖାଆନ୍ତୁ ନାହିଁ। ସ୍ବାସ୍ଥ୍ୟର ଧ୍ୟାନ ରଖି ଅଳ୍ପ ଖାଆନ୍ତୁ। ଯେତେ ବି ସ୍ବାଦିଷ୍ଟ ଖାଦ୍ୟ ହେଇଥାଉ ନିଜକୁ ନିୟନ୍ତ୍ରଣ ରଖି ଖାଦ୍ୟ ଗ୍ରହଣ କରନ୍ତୁ।
-ରୋଷେଇ କରିବା ପ୍ରକ୍ରିୟା ଶରୀରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ। କୌଣସି ଖାଦ୍ୟକୁ ତେଲରେ ଛାଣିବା ପରିବର୍ତ୍ତେ ମନରଖନ୍ତୁ ସେଗୁଡିକୁ ଗ୍ରିଲ, ବେକ୍ କିମ୍ବା ଷ୍ଟିମ କରନ୍ତୁ। ଖାଦ୍ୟରେ ତେଲର ମାତ୍ରା କମ୍ ରହିଲେ କ୍ୟାଲୋରୀ ମଧ୍ୟ କମ୍ ରହିବ।
-ଦିଓ୍ବାଲୀ ମାନେ ତ ଘରକୁ ବହୁ ମିଠା ଆସିଥାଏ। ଯଦି ଆପଣଙ୍କୁ ମିଠା ଖାଇବାକୁ ଇଛା ହେଉଛି ତେବେ ସୁଗାର ଫ୍ରି ମିଠା ଖାଆନ୍ତୁ। ଦୋକାନରୁ ମିଠା ନ କିଣି ଘରେ ମିଠା ତିଆରି କରି ଖାଇପାରିବେ।