ଭୁବନେଶ୍ୱର,୪ା୧୦: ଚାଇନାରେ ଅନୁଷ୍ଠିତ ହେଉଥିବା ଏସିଆନ୍ ଗେମ୍ସରେ ଚମକିଛନ୍ତି ଓଡ଼ିଆ ପୁଅ କିଶୋର ଜେନା। ସେ ଜାଭେଲିନ୍ ଥ୍ରୋରେ ରୌପ୍ୟ ପଦକ ଜିତି ଓଡ଼ିଶା ପାଇଁ ଗୌରବ ଆଣିଛନ୍ତି। ସେ ତାଙ୍କ କ୍ୟାରିୟରରେ ସବୁଠୁ ଭଲ ପ୍ରଦର୍ଶନ କରିଛନ୍ତି। କିଶୋର ୮୭.୫୪ ମିଟର ଦୂରତାକୁ ଜାଭେଲିନ୍ ଫିଙ୍ଗି ରେକର୍ଡ କରିଛନ୍ତି।
ତାଙ୍କର ଏହି ଅପୂର୍ବ ସଫଳତାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରି କିଶୋରଙ୍କୁ ଶୁଭେଚ୍ଛା ଜଣାଇଛନ୍ତି। ଏଥିସହିତ କିଶୋରଙ୍କୁ ରାଜ୍ୟ ଏବଂ ଦେଶର ବିଭିନ୍ନ ସ୍ଥାନରୁ ଶୁଭେଚ୍ଛାର ସୁଅ ଛୁଟିଛି।
Our accomplishments in Men’s Javelin at Asian Games are remarkable. The Silver also comes to India. Congratulations to @Kishore78473748 for winning this splendid Silver in the event. The nation cherishes this victory. pic.twitter.com/3X257mE2ju
— Narendra Modi (@narendramodi) October 4, 2023
ସୂଚନାଯୋଗ୍ୟ, କିଶୋରଙ୍କ ଘର ପୁରୀ ଜିଲାର କୋଠାସାହିରେ ହୋଇଥିବା ବେଳେ ତାଙ୍କ ବାପା ଜଣେ କୃଷକ। କିଶୋର ୬ ଭଉଣୀରେ ଗୋଟିଏ ଭାଇ। ୬ ସେପ୍ଟେମ୍ବର ୧୯୯୫ରେ ଜନ୍ମଗ୍ରହଣ କରିଥିବା କିଶୋର ଜାଭେଲିନ ଥ୍ରୋରେ ସାରା ବିଶ୍ୱରେ ଟ୍ରାକ୍ ଏବଂ ଫିଲ୍ଡ ଇଭେଣ୍ଟରେ ଭାରତର ପ୍ରତିନିଧିତ୍ୱ କରିଛନ୍ତି। ଜାଭେଲିନ ଥ୍ରୋ କିଶୋରଙ୍କ ପ୍ରଥମ ପସନ୍ଦ ଥିଲା। ଯେହେତୁ ସେ ଭଲିବଲ ଅନୁସରଣ କରିଥିଲେ, ତାଙ୍କ ପ୍ରଶିକ୍ଷକ ଜାଭେଲିନ ଥ୍ରୋରେ ତାଙ୍କର ସମ୍ଭାବନା ଥିବାରୁ ସେ ତାଙ୍କୁ ଏଥିରେ ଉତ୍ସାହିତ କରିଥିଲେ। ସେହିଦିନଠାରୁ କିଶୋର ଜାଭେଲିନ୍ରେ ପାରଦର୍ଶିତା ଦେଖାଇ ଆସୁଛନ୍ତି।
