ଟାକିଓ ଅଲିମ୍ପିକ୍ସରେ ଭାରତୀୟ ମହିଳା ହକି ଦଳ ବ୍ରିଟେନ ବିପକ୍ଷରେ ପରାଜୟର ସମ୍ମୁଖୀନ ହୋଇଛି ସତ ମାତ୍ର ଦଳ ୧୩୦ କୋଟି ଦେଶବାସୀଙ୍କ ହୃଦୟ ଜିତି ନେଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହିଳା ହକି ଦଳକୁ ଫୋନ କରି ତାଙ୍କୁ ସାନ୍ତ୍ୱନା ଦେଇଥିଲେ। ମୋଦି ଫୋନ କରିବା ମାତ୍ରେ ଖେଳାଳିମାନେ କାନ୍ଦିବାକୁ ଲାଗିଲେ। ଏହି ସମୟରେ ପ୍ରଧାନମନ୍ତ୍ରୀ ଦଳର ଖେଳାଳିଙ୍କୁ ଉତ୍ସାହିତ କରି କହିଥିଲେ ଯେ, ଦେଶ ଆପଣଙ୍କ ପାଇଁ ଗର୍ବିତ। ୨ ମିନିଟ ୪୮ ସେକେଣ୍ଡ କଥାବାର୍ତ୍ତା ବେଳେ ପ୍ରଧାନମନ୍ତ୍ରୀ କହିଛନ୍ତି,
ଦେଖନ୍ତୁ ଆପଣମାନେ ବହୁତ ଭଲ ଖେଳିଛନ୍ତି। ତୁମେ ବହୁତ ପରିଶ୍ରମ କରିଥିଲ, ସବୁକିଛି ଛାଡି, ତୁମେ ସାଧନା କରୁଥିଲ। ପଦକ ସିନା ଆଣି ପାରିଲ ନାହିଁ, କିନ୍ତୁ ତୁମେମାନେ କୋଟି କୋଟି ଝିଅଙ୍କ ପ୍ରେରଣା ପାଲଟିଗଲ। ଆପଣଙ୍କର ସମସ୍ତ ସାଥୀ ଏବଂ ଆପଣଙ୍କ ପ୍ରଶିକ୍ଷକଙ୍କୁ ଅଭିନନ୍ଦନ। ଆଦୌ ନିରାଶ ହୁଅନ୍ତୁ ନାହିଁ। ଭାରତ ହେଉଛି ହକିର ପରିଚୟ। ଏତେ ଦଶନ୍ଧି ପରେ ଭାରତରେ ହକି ପୁନର୍ଜୀବିତ ହେଉଛି ଏବଂ ଆପଣଙ୍କ କଠିନ ପରିଶ୍ରମ ହେତୁ ଏହା ଘଟୁଛି ବୋଲି ପ୍ରଧାନମନ୍ତ୍ରୀ ଖେଳାଳିଙ୍କୁ ଉତ୍ସାହିତ କରି କହିଥିଲେ। ଉଲ୍ଲେଖନୀୟ କଥା ହେଉଛି, ଭାରତୀୟ ମହିଳା ହକି ଦଳର ପରାଜୟ ପରେ ମଧ୍ୟ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ସମେତ ଦେଶର ଅନେକ ସେଲିବ୍ରିଟି ଦଳକୁ ଅଭିନନ୍ଦନ ଜଣାଇଛନ୍ତି।
ସୂଚନାଯୋଗ୍ୟ, ଭାରତୀୟ ଦଳ ପ୍ରଥମ ଥର ପାଇଁ ଅଲିମ୍ପିକ ସେମିଫାଇନାଲରେ ପହ ପହଞ୍ଚିଥିଲା। କିନ୍ତୁ ବ୍ରିଟେନଠାରୁ ୪-୩ ଗୋଲ୍ରେ ହାରି ଯାଇ ପଦକରୁ ବଞ୍ଚିତ ହୋଇଥିଲା।
