ନୂଆଦିଲ୍ଲୀ,୧୭ା୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଶ୍ୱ ସ୍ତରରେ ଭାରତର ସ୍ଥିତି ବୃଦ୍ଧି ପାଇଛି ବୋଲି କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି। ତିନିଦିନିଆ ଲକ୍ଷ୍ନୌ ଗସ୍ତରେ ଥିବା ରାଜନାଥ କହିଛନ୍ତି, ପୂର୍ବରୁ ଭାରତର କଥାକୁ ଗୁରୁତ୍ୱ ଦିଆଯାଉ ନ ଥିଲା, କିନ୍ତୁ ଆଜି ଯେତେବେଳେ ଭାରତ କିଛି କହେ, ସମଗ୍ର ବିଶ୍ୱ ଏହାକୁ ଶୁଣେ। ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ମୋଦିଙ୍କୁ ବସ୍ ବୋଲି ଡାକନ୍ତି ଏବଂ ଆମେରିକାର ରାଷ୍ଟ୍ରପତି ମଧ୍ୟ ବିଶ୍ୱାସ କରନ୍ତି ଯେ ମୋଦି ବିଶ୍ୱର ଜଣେ ଶକ୍ତିଶାଳୀ ନେତା ଏବଂ ତାଙ୍କର ଅଟୋଗ୍ରାଫ ନେବାକୁ ମଧ୍ୟ ସେ ଇଚ୍ଛା ପ୍ରକାଶ କରିଥିଲେ। ଆଜି ଦେଶର ପ୍ରତିଷ୍ଠା କେତେ ବୃଦ୍ଧି ପାଇଛି, ଏଥିରୁ ଆକଳନ କରାଯାଇପାରିବ।
ରାଜନାଥ ଏକ କାର୍ଯ୍ୟକ୍ରମରେ କହିଛନ୍ତି, ଯେତେବେଳେ ଆମର ପ୍ରଧାନମନ୍ତ୍ରୀ ଅନ୍ୟ ଦେଶ ଗସ୍ତ କରନ୍ତି, ସେତେବେଳେ ଆପଣ ଟିଭିରେ ଦେଖିବା ଉଚିତ୍ ଯେ, ସେଠାରେ ତାଙ୍କୁ କେମିତି ସ୍ବାଗତ କରାଯାଇଛି। ମୁସଲିମ ଦେଶରେ ମଧ୍ୟ ପ୍ରଧାନମନ୍ତ୍ରୀ ସମାନ ସମ୍ମାନ ପାଆନ୍ତି। ପାପୁଆ ନ୍ୟୁ ଗିନି ଗସ୍ତରେ ସେଠାକାର ପ୍ରଧାନମନ୍ତ୍ରୀ ମଧ୍ୟ ମୋଦି ଜିଙ୍କ ପାଦ ଛୁଇଁବାକୁ ଆଗେଇ ଆସିଥିଲେ। ଏହା ପ୍ରତ୍ୟେକ ଭାରତୀୟଙ୍କ ପାଇଁ ସମ୍ମାନର ବିଷୟ। ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ବିଶ୍ୱରେ ଭାରତର ପ୍ରତିଷ୍ଠା ବହୁତ ବୃଦ୍ଧି ପାଇଛି । ଏହାପୂର୍ବରୁ ଅନ୍ତର୍ଜାତୀୟ ଫୋରମ ଭାରତର କଥାକୁ ଗମ୍ଭୀରତାର ସହ ନେଇ ନ ଥିଲା, କିନ୍ତୁ ଆଜି ଯେତେବେଳେ ଭାରତ କଥା ହୁଏ, ସମଗ୍ର ବିଶ୍ୱ ଯତ୍ନର ସହ ଶୁଣେ। ଭାରତର ଅର୍ଥନୀତି ଦ୍ରୁତ ଗତିରେ ବଢୁଛି, ୨୦୧୩-୧୪ରେ ଭାରତ ଏକାଦଶ ବୃହତ୍ତମ ଅର୍ଥନୀତି ଥିଲା, କିନ୍ତୁ ଆଜି ଏହା ବିଶ୍ୱର ପଞ୍ଚମ ସ୍ଥାନରେ ରହିଛି ବୋଲି ରାଜନାଥ କହିଛନ୍ତି।