ନୂଆଦିଲ୍ଲୀ, ୨୯।୮ : ଜାତୀୟ କ୍ରୀଡା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ହକିର ଯାଦୁଗର ମେଜର ଧିଆନ ଚାନ୍ଦଙ୍କୁ ସ୍ମରଣ କରିଛନ୍ତି। ସେ ଟୁଇଟ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ ଲେଖିଛନ୍ତି ଯେ ଜାତୀୟ କ୍ରୀଡା ଦିବସ ଅବସରରେ ଆମେ ମେଜର ଧାନ ଚାନ୍ଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛୁ, ଯାହାର ହକି ବାଡିର ଯାଦୁ କେବେ କେହି ଭୁଲି ପାରିବେ ନାହିଁ।
ଏହି ଦିବସ ପରିବାର, ପ୍ରଶିକ୍ଷକ ଏବଂ ସହାୟକ କର୍ମଚାରୀଙ୍କ ଦ୍ୱାରା ଦିଆଯାଇଥିବା ଉତ୍କୃଷ୍ଟ ସହାୟତାକୁ ପ୍ରଶଂସା କରିବାର ଦିନ ମଧ୍ୟ। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତରେ କ୍ରୀଡ଼ାକୁ ଲୋକପ୍ରିୟ କରିବା ଏବଂ କ୍ରୀଡ଼ା ପ୍ରତିଭାଙ୍କୁ ସମର୍ଥନ କରିବା ପାଇଁ ଭାରତ ସରକାର ଉଦ୍ୟମ କରୁଛନ୍ତି। କ୍ରୀଡା ଏବଂ ଫିଟନେସକୁ ସଭିଏଁ ସେମାନଙ୍କର ଦୈନନ୍ଦିନ କାର୍ଯ୍ୟର ଏକ ଅଂଶ କରିବାକୁ ସେ ସାଧାରଣ ଜନତାଙ୍କୁ ଅପିଲ କରିଛନ୍ତି। ସେ କହିଛନ୍ତି, ଏହା କରିବାର ଅନେକ ଲାଭ ହେବ, ସମସ୍ତେ ସୁସ୍ଥ ରହିପାରିବେ।
ମେଜର ଧାନ ଚାନ୍ଦଙ୍କ ୧୧୬ ତମ ଜନ୍ମ ବାର୍ଷିକୀ ଅବସରରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଏହି ଅବସରରେ ତାଙ୍କର ଶୁଭେଚ୍ଛା ଜଣାଇଛନ୍ତି। ସେ ଟୁଇଟ କରି କହିଛନ୍ତି ଯେ ଜାତୀୟ କ୍ରୀଡ଼ା ଦିବସ ଅବସରରେ ହକି ଯାଦୁଗର ପଦ୍ମ ଭୂଷଣ ମେଜର ଧାନଚାନ୍ଦଙ୍କର ଗୌରବମୟ ସ୍ମୃତି ଉଦ୍ଦେଶ୍ୟରେ ଉତ୍ସର୍ଗୀକୃତ ହୋଇ ମୁଁ ସମସ୍ତ ଖେଳାଳିଙ୍କୁ ମୋର ଆନ୍ତରିକ କୃତଜ୍ଞତା ଜଣାଉଛି, ଯେଉଁମାନେ ବିଭିନ୍ନ ବିଭାଗରେ ବିଶ୍ୱ ଫୋରମରେ ଭାରତର ସମ୍ମାନ ବୃଦ୍ଧି କରିଛନ୍ତି।