ନୂଆଦିଲ୍ଲୀ,୨୭।୨: ମେଘାଳୟ ଏବଂ ନାଗାଲାଣ୍ଡରେ ବିଧାନସଭା ନିର୍ବାଚନ ପାଇଁ ଆଜି ମତଦାନ ଚାଲିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେଘାଳୟ ଏବଂ ନାଗାଲାଣ୍ଡର ଲୋକଙ୍କୁ ଭୋଟ ପ୍ରକ୍ରିୟାରେ ଭାଗ ନେବାକୁ ଅନୁରୋଧ କରିଛନ୍ତି। ପ୍ରଧାନମନ୍ତ୍ରୀ ଟୁଇଟ୍ ଯୋଗେ ଲେଖିଛନ୍ତି, ମୁଁ ମେଘାଳୟ ଏବଂ ନାଗାଲାଣ୍ଡର ଲୋକଙ୍କୁ ବିଶେଷ କରି ଯୁବକ ଏବଂ ପ୍ରଥମ ଥର ଭୋଟରଙ୍କୁ ରେକର୍ଡ ସଂଖ୍ୟାରେ ଭୋଟ ଦେବାକୁ ଅନୁରୋଧ କରୁଛି।
ଭୋଟ ପ୍ରକ୍ରିୟା ଅପରାହ୍ନ ୪ଟା ପର୍ଯ୍ୟନ୍ତ ଚାଲିବ। ଉଭୟ ରାଜ୍ୟରେ ମୋଟ ୧୧୮ ବିଧାନସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଯାଇଛି। ମେଘାଳୟର ୫୯ଟି ଆସନରେ ଭୋଟ ଚାଲିଥିବାବେଳେ ନାଗାଲାଣ୍ଡରେ ମଧ୍ୟ ୫୯ଟି ଆସନରେ ଭୋଟ ପ୍ରକ୍ରିୟା ଚାଲିଛି। ମାର୍ଚ୍ଚ ୨ରେ ଉଭୟ ରାଜ୍ୟର ଫଳାଫଳ ପ୍ରକାଶ ପାଇବ।