ଶ୍ରୀନଗର, ୬।୬ : ଜମ୍ମୁ-କଶ୍ମୀରର ସୁରକ୍ଷା ବାହିନୀ ଅମରନାଥ ଯାତ୍ରାର ତାରିଖ ପାଖେଇ ଆସୁଥିବାରୁ ’ଷ୍ଟିକି ବୋମା’ ବିଷୟରେ ଚିନ୍ତିତ ଅଛନ୍ତି। ଏହାକୁ ନେଇ ସରକାରଙ୍କ ଚିନ୍ତା ମଧ୍ୟ ବଢ଼ିବାରେ ଲାଗିଛି। କେତେକ ଆତଙ୍କବାଦୀ ଗୋଷ୍ଠୀ ଏଭଳି ବୋମା ବ୍ୟବହାର କରୁଥିବା ନେଇ ସୂଚନା ମିଳିଛି। ଏହି ବୋମାକୁ ବିଭିନ୍ନ ଯାନବାହାନରେ ସହଜରେ ଲଗାଯାଇ ଦୂରରୁ ରିମୋର୍ଟ ମାଧ୍ୟମରେ ବିସ୍ଫୋରଣ କରା ଯିବାର ଆଶଙ୍କା ବୃଦ୍ଧି ପାଇବାରେ ଲାଗିଛି।
ଏଭଳି ପରିସ୍ଥିତିରେ ସୁରକ୍ଷା ବାହିନୀ ତୀର୍ଥଯାତ୍ରା ପାଇଁ ନୂଆ ରଣନୀତି ଅନୁସାରେ କାର୍ଯ୍ୟ ପ୍ରଣାଳୀରେ ପରିବର୍ତ୍ତନ ଆଣିଛନ୍ତି। ଅମରନାଥ ଯାତ୍ରାର ସୁରକ୍ଷା ବ୍ୟବସ୍ଥାରେ ଜଡିତ ସାମରିକ ଅଧିକାରୀଙ୍କ ଅନୁଯାୟୀ, ଗିରଫ ଆତଙ୍କବାଦୀ ଏବଂ ସେମାନଙ୍କ ସହାୟତା ଯୋଗାଇ ଦେଉଥିବା ବ୍ୟକ୍ତିଙ୍କୁ ପଚରାଉଚରା ଏବଂ ଅନ୍ୟାନ୍ୟ ତଥ୍ୟରୁ ଜଣାପଡିଛି ଯେ ସୁରକ୍ଷା ବାହିନୀ କେତେକ ’ଷ୍ଟିକ ବୋମା’ ଜବତ କରିଛନ୍ତି। ପାକିସ୍ତାନ ପଟୁ ଆସିଥିବା ଏକ ଡ୍ରୋନ୍କୁ କଠୁଆ ଅଞ୍ଚଳରେ ଗୁଳି କରି ଖସାଯାଇଥିଲା।
ଡ୍ରୋନ୍ରୁ ସାତୋଟି ଚୁମ୍ବକୀୟ ବୋମା ବା ଆଡେସିଭ ବୋମା ସମେତ ବହୁ ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଥିଲା। ଏହି ବିଷୟରେ ଚିନ୍ତା କରି ସୁରକ୍ଷା ଏଜେନ୍ସିମାନେ ପୁନର୍ବାର ସେମାନଙ୍କ ରଣନୀତି ଉପରେ କାର୍ଯ୍ୟ କରିବା ଆରମ୍ଭ କରିଛନ୍ତି। ଜୁନ୩୦ରୁ ଅମରନାଥ ଯାତ୍ରାକୁ ଧ୍ୟାନରେ ରଖି ଦକ୍ଷିଣ କଶ୍ମୀରର ଉପର ଅଞ୍ଚଳରେ ଅବସ୍ଥିତ ଅମରନାଥ ଯାତ୍ରାରେ ପ୍ରାୟ ୩ ଲକ୍ଷ ତୀର୍ଥଯାତ୍ରୀ ଯୋଗଦେବେ ବୋଲି ଆଶା କରାଯାଉଛି। ଏହା ଅଗଷ୍ଟ ୧୧ରେ ଶେଷ ହେବ।
ଯାତ୍ରା ସମୟରେ ତୀର୍ଥଯାତ୍ରୀ ଏବଂ ସୁରକ୍ଷା ବାହିନୀର ଯାନକୁ ଅଲଗା ରଖାଯିବ ବୋଲି ନିଷ୍ପତ୍ତି ନିଆଯାଇଛି ବୋଲି ଅଧିକାରୀମାନେ କହିଛନ୍ତି। ସୁରକ୍ଷା ବାହିନୀ ତଥା ତୀର୍ଥଯାତ୍ରା ପରିଚାଳନା କରୁଥିବା ଲୋକଙ୍କୁ ଯାନବାହାନ ଚଳାଚଳ ନ କରିବାକୁ ନିର୍ଦ୍ଦେଶ ଦିଆଯାଇଛି। କଶ୍ମୀର ରେଞ୍ଜ ଇନ୍ସପେକ୍ଟର ଜେନେରାଲ ପୋଲିସ ବିଜୟ କୁମାର ପିଟିଆଇକୁ କହିଛନ୍ତି, ସୁରକ୍ଷା ବାହିନୀ ସବୁ ପ୍ରକାର ସ୍ଥିତିର ମୁକାବିଲା ଲାଗି ପ୍ରସ୍ତୁତ ରହିଛନ୍ତି। ଆମେ ଏନେଇ ଯଥେଷ୍ଟ ସତର୍କତା ଅବଲମ୍ବନ କରୁଛୁ।
ଗତ ବର୍ଷ ଫେବୃଆରୀରେ ଜମ୍ମୁ ଅଞ୍ଚଳର ସାମ୍ବା ନିକଟରୁ ଜବତ କରାଯିବା ପରେ ଏହାକୁ ’ଷ୍ଟିକି ବୋମା’ ଚିହ୍ନଟ ହୋଇଥିଲା। ଆଫଗାନିସ୍ତାନ ଏବଂ ଇରାକରେ ବହୁଳ ଭାବରେ ବ୍ୟବହୃତ ହେଉଥିବା ’ଆଡେସିଭ ବୋମା’ ଭାରତରେ ଏହା ପ୍ରଥମ ଥର ପାଇଁ ଜବତ ହୋଇଥିଲା।
ସୁରକ୍ଷା କର୍ମୀମାନେ କହିଛନ୍ତି ଯେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବ୍ରିଟିଶ ସେନା ଦ୍ୱାରା ଷ୍ଟିକି ବୋମାଗୁଡିକ ଯେକୌଣସି ଗାଡିରେ ଲଗାଯାଇ ରିମୋଟ କଣ୍ଟ୍ରୋଲ କିମ୍ବା ଇନ-ବିଲ୍ଡ ଟାଇମର୍ ମାଧ୍ୟମରେ ବିସ୍ଫୋରଣ କରାଯାଉଥିଲା।
ନ୍ୟାଶନାଲ ଇନଭେଷ୍ଟିଗେସନ ଏଜେନ୍ସି (ଏନଆଇଏ) ଗତ ମାସରେ ଜମ୍ମୁର କାଟରାଠାରେ ଏକ ଯାତ୍ରୀବାହୀ ବସ୍ର ରହସ୍ୟମୟ ବିସ୍ଫୋରଣର ଯାଞ୍ଚ କରୁଛି । ଏଥିରେ ଷ୍ଟିକି ବୋମା ବ୍ୟବହାର କରାଯାଇଥିବାର ସନ୍ଦେହ କରାଯାଉଛି।