କୋଲକାତା,୧୫।୭: ଇଂଲଣ୍ଡ ସିରିଜ୍ ପୂର୍ବରୁ ଟିମ୍ ଇଣ୍ଡିଆର ସମସ୍ୟା ବଢ଼ିବାରେ ଲାଗିଛି। ଦଳର ବରିଷ୍ଠ ଖେଳାଳିଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍ ଆସିଛି। ସମ୍ପୃକ୍ତ ଖେଳାଳିଙ୍କୁ ଆଇସୋଲେଶନରେ ରଖାଯାଇଛି। ତେବେ ସେମାନେ ଯେଉଁ ଖେଳାଳିମାନଙ୍କ ସହିତ ମିଳାମିଶା କରିଛନ୍ତି ସେମାନଙ୍କ ମଧ୍ୟ ଅଲଗା ରଖାଯାଇଛି। ସେମାନଙ୍କର ନମୁନା ପରୀକ୍ଷା କରାଯିବ। ଇଂଲଣ୍ଡ ସିରିଜ୍ ପୂର୍ବରୁ ଟିମ୍ ଇଣ୍ଡିଆ ସଦସ୍ୟମାନେ ଜୁଲାଇ ୨୦ରୁ ଅଭ୍ୟାସ ମ୍ୟାଚ୍ ଖେଳିବାର ଯୋଜନା ରହିଛି। ଟିମ୍ ଇଣ୍ଡିଆ ଇଂଲଣ୍ଡରେ ୩ ଦିନ ଧରି କାଉଣ୍ଟି ଅଭ୍ୟାସ ମ୍ୟାଚ୍ ଖେଳିବ। କରୋନା ପଜିଟିଭ୍ ହୋଇଥିବା ୨ ଜଣ ଖେଳାଳିଙ୍କ ମଧ୍ୟରୁ ଜଣଙ୍କର ଆଇସୋଲେଶନ ଅବଧି ସମ୍ପୂର୍ଣ୍ଣ ହୋଇଛି। ତାଙ୍କ ରିପୋର୍ଟ ନେଗେଟିଭ୍ ଆସିଛି। ସେ ଜୁଲାଇ ୧୮ରେ ଟିମ୍ରେ ଯୋଗଦେବେ ବୋଲି କୁହାଯାଉଛି। ଟିମ୍ ଇଣ୍ଡିଆର ରିଷଭ ପନ୍ଥଙ୍କ ନମୁନା ରିପୋର୍ଟ କରୋନା ପଜିଟିଭ୍ ଆସିଛି। ଏହାକୁ ନେଇ ଟିମ୍ ଇଣ୍ଡିଆର ଚିନ୍ତା ବଢ଼ିବାରେ ଲାଗିଛି।