ଭୁବନେଶ୍ୱର,୨୪।୮: ଦେଶର ପ୍ରମୁଖ ଘରୋଇ ବାଣିଜି୍ୟକ ସଂସ୍ଥା ତଥା ବେଦାନ୍ତ ଗ୍ରୁପ୍ର ସହଯୋଗୀ ସଂସ୍ଥା ବେଦାନ୍ତ ଆଇରନ ଓର୍ ପକ୍ଷରୁ ବିଭିନ୍ନ ବିକାଶମୂଳକ କାର୍ଯ୍ୟ ଓଡ଼ିଶାରେ କରାଯାଉଛି। ଏପରିକି କମ୍ପାନୀର ଓଡ଼ିଶା ବ୍ୟବସାୟ ଏକ ଦାୟିତ୍ୱପୂର୍ଣ୍ଣ ସାର୍ବଜନୀନ ସଂସ୍ଥା ଭାବେ କାର୍ଯ୍ୟ କରୁଛି। ଫଳରେ କମ୍ପାନୀ ରାଜ୍ୟର ଶିଳ୍ପ ପ୍ରଗତି ଉପରେ ଧ୍ୟାନ ଦେଇଥାଏ। କମ୍ପାନୀର ଉତ୍ସର୍ଗ କେବଳ ବ୍ୟବସାୟିକ ଉଦ୍ଦେଶ୍ୟ ନୁହେଁ। ଏହା ଶ୍ରମିକମାନଙ୍କ କଲ୍ୟାଣ,ସ୍ଥାନୀୟ ସାମାଜିକ-ଅର୍ଥନୈତିକ ଦୃଶ୍ୟପଟର ଅଗ୍ରଗତି ଏବଂ ନିଜର କାର୍ଯ୍ୟକଳାପ ଦ୍ୱାରା ସ୍ଥାନୀୟ ଗୋଷ୍ଠୀଙ୍କର ଉନ୍ନତିକୁ ଆପଣେଇ ନେଇଛି। କମ୍ପାନୀର ବିସ୍ତୃତ ସିଏସ୍ଆର୍ କାର୍ଯ୍ୟକ୍ରମର ଏକ ଅବିଚ୍ଛେଦ୍ୟ ଅଙ୍ଗ ଭାବେ ବେଦାନ୍ତର ଆଇରନ ଓର୍ ଓଡ଼ିଶା ବ୍ୟବସାୟ ଅନେକ ସାମାଜିକ ଦାୟିତ୍ୱବୋଧ ପଦକ୍ଷେପ ମାଧ୍ୟମରେ ବହୁ ଗ୍ରାମବାସୀଙ୍କ ଉପରେ ଏକ ସକାରାତ୍ମକ ପ୍ରଭାବ ପକାଇବାକୁ ସକ୍ଷମ ହୋଇଛି।
ଏ ନେଇ କମ୍ପାନୀ ପକ୍ଷରୁ କୁହାଯାଇଛି, ଆମେ ସ୍ବଚ୍ଛ ବ୍ୟବସାୟିକ ଔପଚାରିକତା ଏବଂ ପ୍ରକ୍ରିୟା ଅନୁସରଣ କରିଥାଉ। ଆମର କାର୍ଯ୍ୟ ଏବଂ ବ୍ୟବସାୟ ସ୍ଥାନୀୟ ଅଂଶୀଦାରମାନଙ୍କ ସହିତ ନିରନ୍ତର ଯୋଗାଯୋଗରେ ରହି ସେମାନଙ୍କୁ ବ୍ୟବସାୟ ତଥା ଅନ୍ୟାନ୍ୟ କ୍ଷେତ୍ରରେ ପରୋକ୍ଷ ରାଜସ୍ବ ଉପଲବ୍ଧି ଲାଗି ସେମାନଙ୍କୁ ସମାନ ସୁଯୋଗ ପ୍ରଦାନ କରିବା ନିଶ୍ଚିତ କରିଥାଉ। ଉଭୟ ଖଣିରେ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି କ୍ଷେତ୍ରରେ ୯୦% ରୁ ଅଧିକ ସ୍ଥାନୀୟ ତଥା ଓଡ଼ିଶାର କର୍ମଚାରୀଙ୍କୁ ସୁଯୋଗ ପ୍ରଦାନ କରାଯାଇଛି। ସେହିଭଳି ସ୍ଥାନୀୟ ନିୟମାବଳୀକୁ କଡାକଡି ପାଳନ କରି କମ୍ପାନୀ କାର୍ଯ୍ୟଧାରା ଜାରି ରଖିଛି।