ନୂଆଦିଲ୍ଲୀ,୨୭।୫: ଆଇପିଏଲର ୧୬ତମ ସିଜନରେ ଯଦି କୌଣସି ଖେଳାଳିଙ୍କୁ ତାଙ୍କ ପ୍ରଦର୍ଶନ ଯୋଗୁ ସର୍ବାଧିକ ସମାଲୋଚନାର ସମ୍ମୁଖୀନ ହେବାକୁ ପଡୁଥିଲା, ତେବେ ସେ ଦିଲ୍ଲୀ କ୍ୟାପିଟାଲ (ଡିସି) ଖେଳାଳି ପୃଥ୍ବୀ ଶ’। ବର୍ତ୍ତମାନ ଲିଗ ପର୍ଯ୍ୟାୟ ସହିତ ଦଳର ଯାତ୍ରା ସମାପ୍ତ ହେବା ପରେ ପୃଥ୍ବୀ ଶ’ଙ୍କୁ ତାଙ୍କ ଗର୍ଲଫ୍ରେଣ୍ଡ ନିଧି ତପାଡିଆଙ୍କ ସହ ପ୍ରଥମ ଥର ପାଇଁ ଏକ ସାଧାରଣ କାର୍ଯ୍ୟକ୍ରମରେ ଦେଖିବାକୁ ମିଳିଛି। ୨୬ ମେ’ରେ ଆବୁଧାବିରେ ଆୟୋଜିତ ଆଇଆଇଏଫ୍ଏ ପୁରସ୍କାର ଶୋ’ରେ ଦୁହେଁ ଯୋଗ ଦେଇଥିଲେ।
ପୃଥ୍ବୀ ଶ’ଙ୍କ ଗର୍ଲଫ୍ରେଣ୍ଡ ନିଧି ତପାଡିଆ ଜଣେ ମଡେଲ ଏବଂ ଅଭିନୟରେ କ୍ୟାରିୟର କରିବାକୁ ଚାହୁଁଛନ୍ତି। ଏହି ସମୟରେ ଉଭୟଙ୍କୁ କଳା ପୋଷାକରେ ଦେଖିବାକୁ ମିଳିଥିଲା। ଯେଉଁଠାରେ ପୃଥ୍ବୀ ଶ’ ଜ୍ୟାକେଟ ଏବଂ ସର୍ଟ ସହିତ କଳା ରଙ୍ଗର ଜିନ୍ସ ପିନ୍ଧିଥିଲେ। ଯେତେବେଳେ ନିଧି ଏକ କଳା ରଙ୍ଗର ଶାଢି ପିନ୍ଧିଥିଲେ। ଦୁହେଁ ଏକାଠି ବହୁତ ସୁନ୍ଦର ଦେଖାଯାଉଥିଲେ।
ଦିଲ୍ଲୀ କ୍ୟାପିଟାଲ୍ସ ଦଳର ପୃଥ୍ବୀ ଶ’ଙ୍କ ପାଇଁ କ୍ରିକେଟ କ୍ୟାରିୟରରେ ଏହି ସିଜନରେ ସବୁଠାରୁ ଖରାପ ପ୍ରଦର୍ଶନ ହୋଇଛି। ଖରାପ ଫର୍ମ ହେତୁ ମ୍ୟାଚ ଅଧାରୁ ସେ ବାଦ୍ ପଡିଥିଲେ। ତେବେ ପୃଥ୍ବୀ ଶ’ କିଛି ମ୍ୟାଚ ଖେଳିବାର ସୁଯୋଗ ମିଳିଥିଲା। ଏଥିରେ ସେ ପଞ୍ଜାବ କିଙ୍ଗ୍ସ ବିପକ୍ଷରେ ଅର୍ଦ୍ଧଶତକୀୟ ଇନିଂସ ଖେଳିବାରେ ସକ୍ଷମ ହୋଇଥିଲେ।