ଆଡିଲେଡ,୧୭।୧୨: ଭାରତ-ଅଷ୍ଟ୍ରେଲିଆ ମଧ୍ୟରେ ଟେଷ୍ଟ ସିରିଜର ପ୍ରଥମ ମ୍ୟାଚ୍ ଆଜିଠାରୁ ଆରମ୍ଭ ହୋଇଛି। ଯୁବ ଓପନର ପୃଥ୍ବି ଶଙ୍କୁ ସୁଯୋଗ ମିଳିଥିବା ବେଳେ ପ୍ରଥମ ପାଳିରେ ସେ ଖାତା ଖୋଲିପାରିନାହାନ୍ତି। ଗୋଲାପୀ ବଲ୍ରେ ଖେଳାଯାଉଥିବା ଏହି ମ୍ୟାଚ୍ର ଦ୍ୱିତୀୟ ବଲ୍ରେ ପୃଥ୍ବୀଙ୍କୁ ମିଶେଲ ଷ୍ଟାର୍କ ବୋଲ୍ଡ କରିଦେଇଥିଲେ। ଏହାକୁ ନେଇ ସେ ଟୁଇଟରରେ ଟ୍ରେଣ୍ଡ କରୁଛନ୍ତି। ତାଙ୍କ ସହ ସେହଓ୍ବାଗ୍ ମଧ୍ୟ ଟ୍ରେଣ୍ଡ କରୁଥିବା ଦେଖାଯାଉଛି।
କିଛିଦିନ ପୂର୍ବେ ପୃଥ୍ବୀଙ୍କ ତୁଳନା ସଚିନ, ସେହଓ୍ବାଗ୍ ଏବଂ ଦ୍ରାବିଡଙ୍କ ପରି ଦିଗ୍ଗଜଙ୍କ ସହ କରିଥିଲେ ମୁଖ୍ୟ କୋଚ୍ ରବି ଶାସ୍ତ୍ରୀ। ଏପରିକି ପୃଥ୍ବୀ ଏହି ତିନି ଖେଳାଳିଙ୍କ ମିଶ୍ରଣ ଏବଂ ଲାରାଙ୍କ ଭଳି ବୋଲି କହିଥିଲେ। ଏଣୁ ଷ୍ଟାର୍କ ଗୋଟିଏ ବଲ୍ରେ ସଚିନ, ସେହଓ୍ବାଗ ଏବଂ ଲାରାଙ୍କୁ ଆଉଟ୍ କରିଦେଇଛନ୍ତି ବୋଲି ବ୍ୟବହାରକାରୀ ପ୍ରତିକ୍ରିୟା ରଖୁଛନ୍ତି।
ପ୍ରକାଶ ଯେ, ଟସ୍ ଜିତିବା ପରେ କୋହଲି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲେ। ଏହାପରେ ମୟଙ୍କ ଅଗ୍ରଓ୍ବାଲଙ୍କ ସହ ପୃଥ୍ବି ଓପନିଂ କରିବାକୁ ପଡ଼ିଆକୁ ଓହ୍ଲାଇଥିଲେ। ହେଲେ ଦ୍ୱିତୀୟ ବଲ୍ରେ ନିଜର ଉଇକେଟ ହରାଇଛନ୍ତି ପୃଥ୍ବୀ।