ମୁମ୍ବାଇ: ପ୍ରିୟା ପ୍ରକାଶ ଓ୍ବାରିୟର। ଆଖି ମାରିବା ପାଇଁ ସେ ବେଶ୍ ଚର୍ଚ୍ଚିତ। ନିଜ ଆଖିର ଯାଦୁରେ ରାତାରାତି ଷ୍ଟାର ପାଲଟି ଯାଇଥିଲେ ପ୍ରିୟା। ଏବେ ଏହି ଅଭିନେତ୍ରୀ ଜାତୀୟ ସ୍ତରରେ ବେଶ୍ ପରିଚିତ। ସେଦିନର ସେହି ଆଖିମରା ଭିଡିଓ ଆଜିବି ଦର୍ଶକଙ୍କ ମନରେ ରହି ଯାଇଛି। ଏହାପରେ ପ୍ରିୟା ସମୟ ସମୟରେ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ପାଇଁ କିଛି ଭିଡିଓ ଅପଲୋଡ କରିଥାଆନ୍ତି। ଯେଉଁଥିରେ ତାଙ୍କ ଡ୍ୟାନ୍ସ ଓ ଏକ୍ସପ୍ରେଶନକୁ ଖୁବ୍ ପ୍ରଶଂସା କରାଯାଏ। ନିକଟରେ ସେ ନିଜ ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି। ଯାହା ପୁଣିଥରେ ଚର୍ଚ୍ଚାକୁ ଆସିଛି। ଏହି ଭିଡିଓରେ ସେ ଏକ ପାର୍ଲରରେ ବସିଥିବା ଦେଖାଯାଇଛି। ଆଉ ସେଠାରେ ସେ ତାଙ୍କ ଆଖିର ଯାଦୁ ଦେଖାଉଛନ୍ତି। ସେଠାରେ ସେ କେଶ କାଟିବାକୁ ବସିଥିବା ବେଳେ ବୋର୍ ହୋଇଯାଇ ସେ ତାଙ୍କର ଆଖିର ଯାଦୁ ଦେଖାଇ ଏହାର ଭିଡିଓ ପ୍ରସ୍ତୁତ କରୁଛନ୍ତି। ତେବେ କାରୋନା ଭାଇରସ ସଂକ୍ରମଣକୁ ଦୃଷ୍ଟିରେ ରଖି ସେ ପିପିଇ କିଟ୍ ପିନ୍ଧି ବସିଥିବା ଦେଖାଯାଇଛି। ଆଉ ପ୍ରିୟାଙ୍କର ଏଭଳି ଅନ୍ଦାଜ ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି।
