ବମ୍ବେ: ଆଜି ରଙ୍ଗର ପର୍ବ ହୋଲି। ଏହାକୁ ନେଇ ସାରା ଦେଶ ଉତ୍ସବମୁଖର। ସାଧାରଣ ଜନତାଠାରୁ ଆରମ୍ଭ କରି ବଡ଼ ବଡ଼ ସେଲିବ୍ରିଟି ନିଜର ପ୍ରିୟଜନମାନଙ୍କୁ ରଙ୍ଗ ଲଗାଇ ଏହାକୁ ପାଳନ କରୁଛନ୍ତି। ଏହି କ୍ରମରେ ବଲିଉଡ୍ର ଦେଶୀ ଗର୍ଲ ପ୍ରିୟଙ୍କା ମଧ୍ୟ ସ୍ବାମୀ ନିକ୍ଙ୍କ ସହ ହୋଲି ପାଳିଛନ୍ତି। ପିତାମାତା ହେବା ପରେ ଉଭୟଙ୍କ ଏହା ପ୍ରଥମ ହୋଲି। ଶନିବାର ପିସି ନିଜର ସେଲିବ୍ରେଶନର କିଛି ଫଟୋ ଏବଂ ଭିଡିଓ ନିଜର ସୋସିଆଲ ଆକାଉଣ୍ଟରେ ଶେୟାର କରିଛନ୍ତି। ଏହା ବେଶ ଭାଇରାଲ ହେଉଛି।
ଚଳିତ ବର୍ଷ ପିସି-ନିକ୍ ହୋଲି ପାର୍ଟି ରଖିଥିଲେ। ଏଥିରେ ବନ୍ଧୁ ଏବଂ ପରିବାରଲୋକ ସାମିଲ ହୋଇଥିଲେ। ରଙ୍ଗ, ବେଲୁନ, ପିଚ୍କାଳି ସହ ସମସ୍ତେ ହୋଲି ଖେଳିଥିଲେ। ଏହାଛଡ଼ା କିଛି ମୂହୁର୍ତ୍ତ ପିସି ସ୍ବାମୀଙ୍କ ସହ ରୋମାଣ୍ଟିକ୍ ମଧ୍ୟ ହୋଇଥିବା ଦେଖାଯାଉଛି।