ମୁମ୍ବାଇ: ବଲିଉଡ ସହ ହଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ତିଆରି କରିଥିବା ଦେଶୀଗର୍ଲ ଏବେବି ଲକ୍ଷେ ଦିଲ କି ଧଡକନ । ଏବେ ସେ ବିଦେଶୀ ବୋହୁ ହୋଇଯାଇଥିଲେ ବି ସବୁ ପର୍ବ ପର୍ବାଣୀକୁ ଖୁବ୍ ଏନଜୟ କରନ୍ତି । ନିକଟରେ ତାଙ୍କର କିଛି ଫଟୋ ଇନଷ୍ଟାଗ୍ରାମରେ ଭାଇରାଲ ହେଉଛି । ଏବେ ଏମିତି କିଛି ଫଟୋକୁ ଦେଖି ପିସିଙ୍କ ପ୍ରଶଂସକ କହୁଛନ୍ତି ସେ କୁଆଡେ ଅନୁଷ୍କା ଶର୍ମାଙ୍କୁ କପି କରୁଛନ୍ତି ।
ଘଟଣା ହେଲା ନିକଟରେ ପିସି ତାଙ୍କ ଇନଷ୍ଟାଗ୍ରାମରେ କିଛି ଫଟୋ ଶେୟାର କରିଛନ୍ତି । ସେଥିମଧ୍ୟରୁ ଗୋଟିକରେ ପିସି ପତି ନିକ ଜୋନସ ଓ ଝିଅ ମାଳତିଙ୍କ ସହ ନଜର ଆସିଛନ୍ତି । ଫଟୋଟି ଖୁବ୍ ସୁନ୍ଦର ହୋଇଥିବା ବେଳେ ଏଥିରେ କିନ୍ତୁ ସେ ଝିଅ ମାଳତିଙ୍କ ମୁହଁକୁ ଇମୋଜି ଦେଇ ଲୁଚାଇ ରଖିଛନ୍ତି । ଏହି ଫଟୋଟି ଦେଖିବା ପରେ ପ୍ରଶଂସକମାନେ କହିଛନ୍ତି ଅନୁଷ୍କା ଯେମିତି ତାଙ୍କ ଝିଅକୁ ପ୍ରଶଂସକଙ୍କଠାରୁ ଲୁଚାଇ ରଖିଛନ୍ତି ପ୍ରିୟଙ୍କା ଠିକ୍ ସେମିତି ମାଳତିଙ୍କୁ ତାଙ୍କ ପ୍ରଶଂସକଙ୍କଠାରୁ ଦୂରେଇ ରଖିଛନ୍ତି । ତେଣୁ ସେ ଅନୁଷ୍କାଙ୍କୁ କପି କରୁଛନ୍ତି ।
ସୂଚନାଯୋଗ୍ୟ, ନିକଟରେ ପ୍ରିୟଙ୍କା ତାଙ୍କ ୪୦ ତମ ଜନ୍ମଦିନ ପାଳନ କରିଥିବା ବେଳେ ଏବେ ଏହାର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଦେଶ ବିଦେଶର ସାଙ୍ଗ ସାଥୀ ଓ ପରିବାରଙ୍କ ଗହଣରେ ଏଥର ଜନ୍ମଦିନ ପାଳିଥିବା ପିସି ଖୁବ୍ ଖୁସି ନଜର ଆସିଛନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏଥର ସେ ପ୍ରଥମ କରି ଝିଅ ମାଳତିଙ୍କ ସହ ଜନ୍ମ ଦିନ ସେଲିବ୍ରେଟ କରିଛନ୍ତି ।