ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ପୂର୍ବତନ ପ୍ରେମିକ ତଥା ହ୍ରିତିକ୍ ରୋଶନଙ୍କ ଲୁକ୍ ଆଇକନ୍ ହରମନ ବାବେଜା(୪୦) ତାଙ୍କ ଭାବି ସ୍ତ୍ରୀଙ୍କୁ ମାର୍ଚ୍ଚ ୨୧ରେ ବିବାହ କରିବାକୁ ଯାଉଛନ୍ତି। ଏବେଠାରୁ ତାଙ୍କର ପ୍ରି ଓ୍ବେଡିଂ କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ଶୁକ୍ରବାର ରାତିରେ ସେ ବନ୍ଧୁମାନଙ୍କ ସହ କକ୍ଟେଲ୍ ପାର୍ଟି କରିବା ସହ ଖୁବ୍ ମସ୍ତି ମଧ୍ୟ କରିଥିଲେ। ଏହି ସମୟର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ହରମନଙ୍କ ଏହି ପାର୍ଟିରେ ଅଭିନେତ୍ରୀ ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା, ଆଶିଷ ଚୌଧୁରୀ, ଆମୀର ଅଲ୍ଲୀ ପ୍ରମୁଖ କଳକାରଙ୍କୁ ଦେଖିବାକୁ ମିଳିଛି। ରାଜ କୁନ୍ଦ୍ରା ହରମନଙ୍କ ପାର୍ଟିର କିଛି ଫଟୋ ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଶେୟାର କରିଛନ୍ତି। ଏଥିସହ ସେ ଏକ ଭିଡିଓ ମଧ୍ୟ ଶେୟାର କରିଛନ୍ତି, ଯେଉଁଥିରେ ହରମନ ନୃତ୍ୟ କରୁଥିବାର ଦେଖିବାକୁ ମିଳୁଛି। ହରମନଙ୍କ ବିବାହ ସାଶା ରାମଚନ୍ଦାନୀଙ୍କ ସହ ହେଉଛି। ଯିଏକି ପେଶାରେ ଜଣେ ନ୍ୟୁଟ୍ରେଶନ କୋଚ୍।
ଗତ ଡିସେମ୍ବରରେ ହରମନ ଏବଂ ସାଶାଙ୍କ ନିର୍ବନ୍ଧ ହୋଇଥିଲା। ଏହି ଅବସରରେ ଉଭୟଙ୍କ ପରିବାର ସଦସ୍ୟ ଏବଂ ବନ୍ଧୁଗଣ ଉପସ୍ଥିତ ଥିଲେ।
ହରମନ ତାଙ୍କ ବାପାଙ୍କ ଫିଲ୍ମ ‘ଲଭ୍ ଷ୍ଟୋରୀ ୨୦୫୦’ ରୁ ବଲିଉଡ୍ରେ ଡେବ୍ୟୁ କରିଥିଲେ। ଏଥିରେ ତାଙ୍କ ବିପକ୍ଷରେ ଅଭିନେତ୍ରୀ ସାଜିଥିଲେ ପ୍ରିୟଙ୍କା ଚୋପ୍ରା। ଏହି ଫିଲ୍ମର ଶୁଟିଂ ସେଟ୍ରୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା। ଉଭୟ ପ୍ରାୟ ୨ ବଷର୍ର୍ ପର୍ଯ୍ୟନ୍ତ ରିଲେସନଶିପ୍ରେ ଥିଲେ। ମାତ୍ର ଶାହିଦ କପୁରଙ୍କ ପାଇଁ ପ୍ରିୟଙ୍କା ହରମାନଙ୍କ ଠାରୁ ଦୂରେଇ ଯାଇଥିଲେ।