ମୁମ୍ବାଇ: ବଲିଉଡ୍ ଦେଶୀଗର୍ଲ ପ୍ରିୟଙ୍କା ଚୋପ୍ରା ଖୁବ୍ଶୀଘ୍ର ହିନ୍ଦୀ ସିନେମାରେ ପୁଣିଥରେ ନଜର ଆସିବେ ବୋଲି ଶୁଣିବାକୁ ମିଳିଥିଲା । ଏବେ କିନ୍ତୁ ପ୍ରିୟଙ୍କା ନିଜେ ଜଣାଇଛନ୍ତି କି ଏବେ ତାଙ୍କ ହାତରେ ଲାଗିଛି ଆଉ ଏକ ହଲିଉଡ୍ ଅଫର୍ । ଆଗରୁ ହଲିଉଡ୍ରେ ନିଜର ପରିଚୟ ସୃଷ୍ଟି କରିଥିବା ପ୍ରିୟଙ୍କା ଚୋପ୍ରା ଜୋନସ୍ ଯେଉଁ ଫିଲ୍ମରେ ନଜର ଆସିବେ ସେଥିରେ ସେ ୫ଥର ଗ୍ରାମୀ ପୁରସ୍କାର ଜିତି ସାରିଥିବା ସେଲି ଡିଓନଙ୍କ ସହ କାମ କରିବେ । ନିଜ ସୋସିଆଲ ମିଡିଆ ନେଟୱର୍କ ଇନଷ୍ଟାଗ୍ରାମରେ ନିଜେ ପ୍ରିୟଙ୍କା ଏହି ସୂଚନା ଦେଇଛନ୍ତି । ଏହି ହଲିଉଡ୍ ଫିଲ୍ମର ନାଁ ରହିଛି ‘ଟେକ୍ଟ ଫର ୟୁ’ । ଯାହା ଜର୍ମାନୀରେ ୨୦୧୬ ମସିହାରେ ରିଲିଜ ହୋଇଥିବା ଫିଲ୍ମ “ଏସ୍ଏମ୍ଏସ୍ ଫର ଡିଜ’ ଦ୍ୱାରା ପ୍ରେରଣା ପାଇଛି । ଏହାକୁ ନେଇ ପ୍ରିୟଙ୍କା ଲେଖିଛନ୍ତି ଏହି ଫିଲ୍ମରେ ଅଭିନୟ କରିବା ମୋ ପାଇଁ ସମ୍ମାନର କଥା । ଏହାକୁ ଦେଖିବା ପରେ ପତି ନିକ୍ ଜୋନସ ଇମୋଜି ଦେଇ ନିଜର ଖୁସି ବ୍ୟକ୍ତି କରିଛନ୍ତି । ଗୋଟିଏ ପଟେ ପ୍ରିୟଙ୍କାଙ୍କ ବଲିଉଡ୍ ପ୍ରଶଂସକ ତାଙ୍କୁ ଅପେକ୍ଷା ରଖିଥିବା ବେଳେ ଅନ୍ୟପଟେ ହଲିଉଡରେ ଯେମିତି ପିସିଙ୍କ ଭାଗ୍ୟ ଖୋଲିବାରେ ଲାଗିଛି ।
