ମୁମ୍ବାଇ: ବଲିଉଡ ଦେଶୀ ଗର୍ଲ ପ୍ରିୟ୍ଙ୍କା ଚୋପ୍ରା ଜୋନସ ସବୁବେଳେ କିଛି ନା କିଛି କଥାକୁ ନେଇ ଚର୍ଚ୍ଚାକୁ ଆସିଥାଆନ୍ତି । ନିକଟରେ ସେ ତାଙ୍କ ସ୍ୱାମୀ ନିକ ଜୋନସ ଓ ମାଆ ମଧୁ ଚୋପ୍ରାଙ୍କ ସହ ଦୀପାବଳି ପାଳନ କରିଛନ୍ତି । ଏମାନେ ଦୀପାବଳି ପାଳନ କରିବା ଅବସରରେ ଡିନରରେ ଯାଇଥିଲେ । ଏମାନଙ୍କ ଆଉଟଫିଟର ଫଟୋ ସୋସିଆଲ ମିଡିଆ ଫ୍ୟାନ ପେଜରେ ଶେୟାର କରାଯାଇଛି । ଆଉ ଏହାକୁ ତାଙ୍କ ପ୍ରଶଂସକ ଖୁବ୍ ପସନ୍ଦ କରୁଛନ୍ତି । ଏହି ଫଟୋ ସହ ନିକଙ୍କର ତାଙ୍କ ଶାଶୁ ମଧୁ ଚୋପ୍ରାଙ୍କ ପ୍ରତି ଥିବା ଭଲପାଇବା ଦେଖି ପ୍ରଶଂସକ ଖୁବ୍ ଖୁସି ହୋଇଛନ୍ତି ।
ଫଟୋରେ ପ୍ରିୟଙ୍କା ଆଗେ ଆଗେ ଚାଲୁଥିବା ବେଳେ ନିକ୍ ତାଙ୍କ ଶାଶୁ ମଧୁ ଚୋପ୍ରାଙ୍କ ହାତ ଧରି ଚାଲୁଥିବା ଦେଖିବାକୁ ମିଳିଛି । ମାଆ ଝିଅ ଉଭୟ ଏଥେନିକ ଆଉଟଫିଟରେ ଥିବା ବେଳେ ନିକ ଜ୍ୟାକେଟ ଓ କଳା ପ୍ୟାଣ୍ଟ ସହ କଳା ଟି ସର୍ଟରେ ନଜର ଆସିଛନ୍ତି । ଏଥିରେ ନିକ୍ ତାଙ୍କ ଶାଶୁ ମଧୁଙ୍କ ହାତ ଧରି ଛାଲୁଥିବା ଦେଖି ପ୍ରଶଂସକ ନିକ୍ଙ୍କୁ ଜଣେ ଆଦର୍ଶ ଜ୍ୱାଇଁ ବୋଲି କହିଛନ୍ତି । ଅନେକ ୟୁଜର୍ସ ନିକଙ୍କର ଖୁବ୍ ପ୍ରଶଂସା କରିଛନ୍ତି । ଏଥରର ଦୀପାବଳି ପ୍ରିୟଙ୍କା ଓ ନିକଙ୍କ ପାଇଁ ବିଶେଷ ମହତ୍ୱ ରଖେ । କାରଣ ଏହି ଦମ୍ପତି ତାଙ୍କ ଝିଅ ମାଳତି ସହ ପ୍ରଥମ ଦୀପାବଳି ପାଳନ କରିଛନ୍ତି ।
ସୂଚନାଯୋଗ୍ୟ, ପ୍ରିୟଙ୍କା ବିବାହ କରିବା ପରଠାରୁ ବି ଆମେରିକାରେ ରହି ଦୀପାବଳୀ ଭଳି ଉତ୍ସବକୁ କେବେ ଭୁଲି ଯାଇ ନାହାନ୍ତି । ସେଠାରେ ସେ ଭାରତୀୟ ପରମ୍ପରା ଅନୁଯାୟୀ ପ୍ରାୟ ସମସ୍ତ ପର୍ବ ପାଳନ କରୁଥିବା ଦେଖାଯାଏ ।