ଆଜିକାଲି ବିଭିନ୍ନ ସେଲିବ୍ରିଟି ସୋସିଆଲ ମିଡିଆରେ ସକ୍ରିୟ ରହୁଛନ୍ତି। ନୂଆ ଏବଂ ପୁରୁଣା ସ୍ମୃତିକୁ ଉଜାଗର କରିବା ପାଇଁ ବଲିଉଡ୍ ସେଲିବ୍ରିଟିମାନେ ନିଜର ଫଟୋ କିମ୍ବା ଭିଡିସ ପ୍ରଶଂସକଙ୍କ ସହ ଶେୟାର କରିଥାନ୍ତି। ନିକଟରେ ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପା ଏବଂ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲିଙ୍କ ଏକ ଭିଡିଓ ଭାଇରାଲ ହୋଇଛି। ଏହି ଭିଡିଓରେ ବିରାଟ, ପ୍ରିୟଙ୍କାଙ୍କ ବ୍ୟତୀତ ଅଭିଷେକ ବଚ୍ଚନ ମଧ୍ୟ ଅଛନ୍ତି। ଏହି ଭିଡିଓରେ କୋହଲିଙ୍କୁ ପ୍ରିୟଙ୍କା ପଚାରିଥିଲେ, ସଚିନ ତେନ୍ଦୁଲକର ତାଙ୍କୁ କେମିତି ପ୍ରେରିତ କରିଥିଲେ। ଏହାର ଜବାବରେ ସେ କହିଥିଲେ, ସଚିନ ତେନ୍ଦୁଲକର ମୋ କ୍ରିକେଟ୍ ଖେଳିବାର କାରଣ। ମୁଁ ଭାବେ ମୋ ଭଳି ଅନେକ ଲୋକ ତାଙ୍କୁ ଦେଖି କ୍ରିକେଟ୍ ଖେଳିବା ଆରମ୍ଭ କରିଛନ୍ତି। ମୋର ସୌଭାଗ୍ୟ ଯେ, ମୁଁ ତାଙ୍କ ସହ ଡ୍ରେସିଂ ରୁମ୍ ଶେୟାର କରିଛି। ଅନ୍ତର୍ଜାତୀୟ କ୍ରିକେଟ୍ରେ ୧୦୦ ଶତକ ହାସଲ କରିଥିବା ସଚିନ ତେନ୍ଦୁଲକରଙ୍କ ସମ୍ମାନର୍ଥେ ଆୟୋଜିତ ଏକ କାର୍ଯ୍ୟକ୍ରମର ଏହି ଭିଡିଓ ଥିଲା। ଏହି କାର୍ଯ୍ୟକ୍ରମରେ ସଚିନଙ୍କ ସମେତ ଅନେକ କ୍ରିକେଟ୍ ଏବଂ ବଲିଉଡ୍ ସେଲିବ୍ରିଟିମାନେ ପହଞ୍ଚିଥିଲେ।