ମୁମ୍ବାଇ: ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରା ଆଜିକାଲି ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ପ୍ରିୟଙ୍କାଙ୍କର ସୋସିଆଲ ମିଡିଆରେ ଢେର ଫଲୋଅର୍ସ। ପ୍ରିୟଙ୍କା ସବୁବେଳେ ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ସୋସିଆଲ ମିଡିଆରେ କିଛି ନା କିଛି ଫଟୋ ଏବଂ ଭିଡିଓ ଶେୟାର କରିଥାନ୍ତି। ଏବେ ସେ ଏକ ଫଟୋ ଶେୟାର କରିଛନ୍ତି। ଯାହାକୁ ୟୁଜରମାନେ ଖୁବ୍ ପସନ୍ଦ କରିଛନ୍ତି। ଏହି ଫଟୋରେ ସେ ସ୍ବାମୀ ନିକ୍ ଜୋନାସଙ୍କୁ ଆଲିଙ୍ଗନ କରୁଥିବା ନଜର ଆସିଛନ୍ତି। ନିକ୍ ମଧ୍ୟ ପ୍ରିୟଙ୍କାଙ୍କୁ ଜାବୁଡ଼ି ଧରିଛନ୍ତି। ଦୁଇଜଣଙ୍କ ଏହି ଖୁସିର ମୁହୂର୍ତ୍ତ ସମସ୍ତଙ୍କ ହୃଦୟ ଜିଣିଛି। ପ୍ରିୟଙ୍କା ଫଟୋ ଶେୟାର କରି କ୍ୟାପଶନ ଲେଖିଛନ୍ତି, ‘ସେ ଘରକୁ ଆସିଗଲେ’। କପଲଙ୍କ ଏହି ରୋମାଣ୍ଟିକ୍ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ନିକ୍ଙ୍କୁ କିଛିଦିନ ପୂର୍ବରୁ ପ୍ରିୟଙ୍କାଙ୍କ ରେଷ୍ଟୁରାଣ୍ଟ ‘ସୋନା’ରେ ଦେଖିବାକୁ ମିଳିଥିଲା। ଦୁହିଁଙ୍କ କେମିଷ୍ଟ୍ରି ପ୍ରଶଂସକଙ୍କୁ ବେଶ୍ ଭଲ ଲାଗିଥିଲା।