ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ଆଜିକାଲି ବ୍ୟସ୍ତ ରହୁଛନ୍ତି। ବୃତ୍ତିଗତ ଏବଂ ବ୍ୟକ୍ତିଗତ ଜୀବନରେ ବ୍ୟସ୍ତ ଥିବା ସତ୍ତ୍ୱେ ପ୍ରିୟଙ୍କା ତାଙ୍କ କୋଟି ପ୍ରଶଂସକଙ୍କ ପାଇଁ ସମୟ ବାହାର କରନ୍ତି। ସେମାନଙ୍କ ସହିତ ତାଙ୍କ ଜୀବନ ସହିତ ଜଡିତ ଖୁସିର ମୁହୂର୍ତ୍ତଗୁଡିକ ଶେୟାର କରନ୍ତି। ନିକଟରେ ସେ ଝିଅ ମାଳତୀ ମେରିଙ୍କୁ ଲସ ଆଞ୍ଜେଲସରେ ଥିବା ଏକ ପ୍ରାଣୀ ଉଦ୍ୟାନ ବୁଲାଇ ନେଇଥିଲେ। ତାଙ୍କ ସହ ଥିଲେ ସ୍ବାମୀ ନିକ୍ ଜୋନାସ।
ପ୍ରିୟଙ୍କା ଇନଷ୍ଟାଗ୍ରାମ ଏକ ସୁନ୍ଦର ପାରିବାରିକ ଫଟୋ ଶେୟାର କରିଛନ୍ତି। ଫଟୋରେ ପ୍ରିୟଙ୍କା, ନିକ ଏବଂ ମାଳତୀ ଆକ୍ୱାରିୟମ ନିକଟରେ ପୋଜ ଦେଉଥିବା ନଜର ଆସିଛନ୍ତି। ମାଳତୀ ତାଙ୍କ ନିକଙ୍କ କୋଳରେ ଅଛନ୍ତି ଏବଂ ପ୍ରିୟଙ୍କାଙ୍କୁ ଚାହିଁ ରହିଛନ୍ତି।
ନିକ ଏକ କଳା ପୋଷାକରେ ଦେଖାଯାଉଥିବାବେଳେ ପ୍ରିୟଙ୍କା ଏକ ଧଳା ରଙ୍ଗର ପୋଷାକରେ ନଜର ଆସିଛନ୍ତି। ପିସି ଝିଅ ମୁହଁକୁ ଧଳା ହୃଦୟରେ ଲୁଚାଇ ରଖିଛନ୍ତି। ଫଟୋ ଶେୟାର କରି ପ୍ରିୟଙ୍କା କ୍ୟାପସନରେ ଲେଖିଛନ୍ତି, ପରିବାର।
ପ୍ରିୟଙ୍କା ଚୋପ୍ରା ଏବଂ ନିକ ଜୋନାସ ସରୋଗେସି ମାଧ୍ୟମରେ ୧୫ ଜାନୁୟାରୀ ୨୦୨୨ରେ ମନ୍ୟା ସନ୍ତାନର ମାତାପିତା ହୋଇଥିଲେ। ଦୁହେଁ ୨୦୧୮ରେ ବିବାହ କରିଥିଲେ।